Read Karbi KELAKHA 33 Bible Online

KELAKHA 33 - Karbi bible

KELAKHA 33

¹Moses lapen Aaron akeja pen ajok Israel akhei atum Ijip odet aphi latum kodak daksi mukam chekimloma amen lapen adim-heihei aphai lahei helo.

²HEMPHU ahukum atengsi, latum mukam kechekim aphongtin adim amen Moses tokdunkrilo.

³Ningkan kecheng achiklo krepho arni Israel arat atum Ijip olo, la ke kechengsi Kejok Amei HEMPHU akerai pen latum Rameses arongsopi pen Ijip asor pathek-longpetsi ke-o arnilo,

⁴atheke HEMPHU kepathi sokleng an kechepip atum thekdun long-lo. La keklem pen ajok HEMPHU ke paklang-lo, atheke Ijip a-arnam-heihei aparta Alangli jakong themu.

⁵Israel arat atum Rameses olo, lapen Sukkoth along mukam chekimlo.

⁶Latum adunthu mukam kechekimke Etham along, la Sangtimili ano along.

⁷Hadak pen latum suisi Pi Hahiroth, la Baal Jephon anihang anat lapen Migdol adung mukam chekimlo.

⁸Latum Pi Hahiroth o-si Talo Ke-er hatput-lo lapen ha Shur asangtimili an damlo; nithom damdet aphi latum Marah pu adim along mukam chekimlo.

⁹Hadak pen latum Elim, ladak mukam chekimlo, pima hadak langjeng krehini do lapen sotele arong rong throksi kep dolo.

¹⁰Latum Elim osi Suez atalochekom adung mukam chekimlo.

¹¹Latum adun mukam kechekim ke Pap asangtimili ajo.

¹²Anke latum Dophakah along mukam chekimlo,

¹³lapen laso aphi Alush along chekimlo.

¹⁴Puthot ke Rephidim along, hadak latum lang kejunji aphan anta lang kave adimlo.

¹⁵Anke latum Rephidim pen bar si Sinai akejejangtang ajo mukam chekimlo.

¹⁶Latum puthot Sinai akejejangtang ajo pen bar si Kibroth-Hattaavah along mukam chekimlo.

¹⁷Kibroth-Hattaavah pen bar si Hazeroth pu adim mukam chekimlo.

¹⁸Hazeroth pen latum bar si Rithmah along mukam chekimlo.

¹⁹Rithmah pen latum bar si Rimmon Perez along mukam chekimlo.

²⁰Rimmon Perez pen latum bar si Libnah along latum mukam chekimlo.

²¹Latum Libnah pen bar si Rissah along mukam chekimlo.

²²Latum Rissah pen bar si Kehelathah along mukam chekimlo.

²³Latum Kehelathah pen bar si Shepher Anglong along mukam chekimlo.

²⁴Latum Shepher Anglong pen bar si Haradah along mukam chekimlo.

²⁵Latum Haradah pen bar si Makheloth along mukam chekimlo.

²⁶Latum Makheloth pen bar si Tahath along mukam chekim lo.

²⁷Latum Tahath pen bar si Terah along mukam chekimlo.

²⁸Latum Terah pen bar si Mithkah along mukam chekimlo.

²⁹Latum Mithkah pen bar si Hashmonah along mukam chekimlo.

³⁰Latum Hashmonah pen bar si Moseroth along mukam chekimlo.

³¹Latum Moseroth pen bar si Benejaakan along mukam chekimlo.

³²Latum Benejaakan pen bar si Horhaggidgad along mukam chekimlo.

³³Latum Horhaggidgad pen bar si Jotbathah along mukam chekimlo.

³⁴Latum Jotbathah pen bar si Abronah along mukam chekimlo.

³⁵Latum Abronah pen bar si Eziongeber along mukam chekim lo.

³⁶Latum Eziongeber pen bar si Zin (la ke Kadesh) along mukam chekimlo.

³⁷Latum Kadesh pen bar si Hor Anglong along mukam chekim lo, la ke Edom adet akung-lo.

³⁸HEMPHU ahukum pensi, Aaron kurusar Hor Anglong arludamlo, lapen chiklo jonpho kechok aphrangsi arni, Israel atum Ijip adet pen nangkebartang ningkan phlikep aphi, alangli hadak thilo.

³⁹Lapen Aaron Hor Anglong along kethi ahut Aaron arta ningkan pharo isira ingkoira-kethom dolo.

⁴⁰Nitur a-Kanaan anat kedo Arad arechota Israel atum vangbomlo pu arjulong-lo.

⁴¹Anke latum Hor Anglong pen bar si Zalmonah along mukam chekimlo.

⁴²Zalmonah pen latum bar si Punon along mukam chekimlo.

⁴³Punon pen latum bar si Oboth along mukam chekimlo.

⁴⁴Oboth pen latum bar si Iyeaberim, la Moab alongri along.

⁴⁵Iyeaberim pen latum bar si Dibongad along mukam chekimlo.

⁴⁶Dibongad pen latum bar si Almon Diblathaim along mukam chekimlo.

⁴⁷Almon Diblathaim pen latum bar si Nebo aphrang Abarim along mukam chekimlo.

⁴⁸Abarim pen latum bar si Moab athoi Jordan akung Jeriko along mukam chekim lo;

⁴⁹Latum Jordan akung Beth-jeshimoth pen ha Abelshittim, la Moab athoi along mukam chekimlo.

⁵⁰Hadak Moab athoi along Jordan akung Jeriko pen Moses

⁵¹Israel atum aphan papinkhatjisi HEMPHU lahei alam pulo: “Nangtum Kanaan adet kelutdamjile Jordan kehat ahut,

⁵²nangtum hadak kedo atum an aphan phlung-et nangji. Halatum arlong lapen tasam akumlin an lapen latum karcho adim an pavir-etnangji.

⁵³Longle cheraira la along dothipnon, pima Ne nangtum aphan la nangpitang-lo.

⁵⁴Khadot pen ajok akheitin aphan longle thaknon, aphai ke-ong akhei aphan longle kethak pathemuchotnon, lapen aphai ke-ong-e atum aphan kethak pabi muchotnon.

⁵⁵Bonta jongsi nangtum hadak kedo atum aphan phlung-et-e pulote, hadak kedobomlang atum ameksung asonsi nangpasungpo lapen nangtum arep along ingsu ason plangpo, lapen latum nangbethursi chedanpo.

⁵⁶Nangtum jongsi latum aphan phlungphle pulote, Ne amatsi halatum aphan kepavirjipu kemang ason, nangtum aphan pavirpo.”