Read Karbi KELAKHA 34 Bible Online

KELAKHA 34 - Karbi bible

KELAKHA 34

¹Moses aphan HEMPHU lahei alam

²Israel atum aphan papinkhatji si pulo: “Nangtum Kanaan adet kelutdam ahut, Ne nangtum aphan nangkepiji pu alongle, ahoi ke lapuson plangpo.

³Nitur ahoi Edom ahoi soding Zin akejejang tang atalo anitur anihang pen the ponlo. La Kethi Atalo anitur kejut anihang pen pangchengpo.

⁴Anke la nitur anat damsi Akrabbim atovar anat dampo, lapen Zin arlo soding dongputsi ha Kadesh Barnea anitur anat ledampo. Anke la nirep-nichi anat chetevarsi Hazzar Adar lapen Azmon an lesi,

⁵La Ijip athoi ahoi anat chetevarpo, lapen Mediterran an jutdampo.”

⁶“Nichi ahoi ke Mediterran Atalo helo.”

⁷Nirep ahoi ke Medeteran pen Hor Anglong,

⁸lapen hadak pen ha Hamath Atovar an. La Zedad an dambompo,

⁹lapen ha Ziphron an, lapen Hazar Enan along jutkokpo.

¹⁰Nihang ahoi ke Hazar Enan pen ha Shepham an eren isi dam thorpo.

¹¹Lapen la nitur anat dambomsi Harbel, Ain anihang anat lepo, lapen Galili anihang akung anat kedo anglong anat le dampo,

¹²anke nitur anat damsi Jordan Aroi soding pen ha Kethi Atalo an lepo. Lahei helo nangtum alongle hinphli ahoilo.

¹³Lasi Israel atum aphan Moses pulo, “Khadot pen ajok nangtum kelongji alongle lahei helo, atheke khei sirkep ra ebeng atum aphan HEMPHU kepiji alongle.

¹⁴Reuben lapen Gad akhei lapen Nihang a-Manasseh ebeng akhei atum ke amethang alongle chelongtang-lo, lapen latum adon ateng chethaktang-lo,

¹⁵Jeriko anung, Jordan anihang anat.”

¹⁶Moses aphan HEMPHU pulo,

¹⁷“Eleazar kurusar lapen Joshua, la Nun asopo atumsi rat aphan longle thakpo.

¹⁸Latum aphan longle kethak kerapdunjile akheitin pen inut nut ajalin ponnon.”

¹⁹HEMPHU kangvai pinso amonit lahei helo: Judah akhei pen Kaleb, la Jephunneh asopo.

²⁰Simeon akhei asomar pen Shemuel, la Ammihud asopo.

²¹Benjamin akhei pen Elidad, la Chislon asopo.

²²Dan akhei asomar pen inut ajalin, Bukki, la Jogli asopo.

²³Joseph asomar: Manasseh akhei pen inut ajalin, Hanniel, la Ephod asopo.

²⁴Ephraim akhei asomar pen inut ajalin, Kemuel, la Shiphtan asopo.

²⁵Zebulun akhei asomar pen inut ajalin, Elizaphan, la Parnak asopo.

²⁶Issakar akhei asomar pen inut ajalin, Paltiel, la Azzan asopo.

²⁷Asher akhei asomar pen inut ajalin, Ahihud, la Shelomi asopo.

²⁸Naphtali akhei asomar pen inut ajalin, Pedahel, la Ammihud asopo.

²⁹Lahei helo Kanaan adet along Israel arat aphan longle kepathakji HEMPHU kangvai amonit atumlo.