Read Karbi KELAKHA 7 Bible Online

KELAKHA 7 - Karbi bible

KELAKHA 7

¹HEMPHU kedo A-pehem Moses keparjap arni, alangli Pehem lapen ajohton an jangthu hilo lapen hodailo, lapen dovan lapen la ajohton anta hodailo.

²Anke aro akehoi Israel ajalin atum an, aphai kelakha along adeng kedo-an atum,

³HEMPHU along athok-heihei vanlo: hemkonglong hum throk, lapen chainong alo jonkrehini, banghini ajalintin aphan hemkonglong ehumhum lapen ajalintin pen chainong alo ejonjon. Lahei latum pidet aphi,

⁴Anke Moses aphan HEMPHU pulo.

⁵“Pehem aphan akenang akam keklem nangji aphan lahei adan dengnon; Levi atum aphan lahei latum keklem nangji akam ateng pen pinon.

⁶Lasi Levi atum aphan hemkonglong-heihei lapen chainong anta Moses pilo.

⁷Gershon aro aphan alangli hemkonglong humni lapen chainong alo jonphli pilo,

⁸lapen Merari aro aphan hemkonglong humphli lapen chainong jonnerkep pilo. Latum akam kedo-an ke Aaron kurusar asopo Ithamar kethan ateng si klemnangpo.

⁹Bonta Kohath aro aphan ke Moses hemkonglong mate chainong alo seta pipedet-lo, pima latum ke kangthir ajohton an aphang pensi ponnangji.”

¹⁰Dovan kehodaiji aketalon aphan jalin atum athok-heihei vanlo. Latum adan-heihei dovan along kepiji aphan kechesik ahut,

¹¹Moses aphan HEMPHU pulo, “Latum aphan thannon, nikrehini arnivang ta jalin atum angbong pen inut alangli dan dovan kehodaiji aphan pinangpo.”

¹²Kecheng arni dan kepi abang Nashon, la Amminadab asopo, Judah akhei pen;

¹³lapen alangli dan ke rup akasu epak, la alin powapho, rup aharlung ehong la alin powa kethom, la kangthir ahem alin ateng lo, la hinita him aduk pen jangthu keplengset kepangvui sok-sang adan pilo;

¹⁴Epak hijung plengset ser akasuso alin 100 gram;

¹⁵chainong aloso ejon, biresak alo ejon, biresak aloso ejon ningkan isi arta kephrin athok aphan;

¹⁶pap athok aphan bi alo ejon;

¹⁷lapen ningkangsam athok aphan chainong alo jonni, biresak alo jon pho, bi alo jon pho, lapen ningkan isi arta abiresak aloso jon pho. La helo Nashon, la Amminadab asopo kepi adan.

¹⁸Hini arni Nethanel, la Zuar asopo, Issakar ajalinsi danpilo;

¹⁹alanglita amethang adan chepilo epak rup akasu alin powapho, rup aharlung ehong alin powa kethom, la kangthir ahem alin atengsi hinita himkeme aduk lapen jangthu kepangvui paplengsetsi soksang adan aphan pilo;

²⁰hijung keplengset aser akasuso alin ke 100 gram;

²¹chainong aloso ejon, biresak alo ejon, ningkan isi arta biresak aloso kephrin athok aphan pilo;

²²pap athok aphan ke bi alo ejon;

²³lapen ningkangsam athok aphan, chainong alo jonni, biresak alo jonpho, bi alo jon pho, ningkan isi arta abiresak aloso jon pho pilo. La ke Zuar asopo Nethanel kepi athok-lo.

²⁴Kethom arni Eliab, la Helon asopo, Zebulun aro ajalin adeng:

²⁵alangli dan ke rup akasu epak ardi powapho, rup aharlung epak ardi powakethom, kangthirhem alin ateng, la hini alongta him aduk keme pen jangthu pangvui plengset asok-sang adan vanlo;

²⁶ser akasuso isithup ahijung;

²⁷chainong aloso ejon, biresak alo ejon, ningkan isi arta abiresak aloso ejon, kephrin athok aphanlo;

²⁸pap athok aphan bi alo ejon;

²⁹lapen ningkangsam athok aphan chainong alo jonni, biresak alo jonpho, bi alo jon pho, lapen ningkan isi abiresak alo jon pho. La ke Eliab, la Helon asopo kepi adan lo.

³⁰Phli arni Elizur, la Shedeur asopo, Reuben aro ajalin adeng:

³¹La adan rup akasu epak ardi powapho, rup aharlung ehong ardi powa kethom, la kangthirhem alin ateng-lo, la hini along ta mesen ahim aduk pen jangthu kepangvui paplengset sok-sang adan vanlo;

³²hijung plengset ser akasuso epak ardi 100 gram;

³³chainong aloso ejon, biresak alo ejon, ningkan isi arta biresak aloso ejon lahei kephrin athok aphanlo;

³⁴pap athok aphan bi alo ejon;

³⁵lapen ningkangsam athok aphan chainong alo jonni, biresak alo jon pho, bi alo jon pho, ningkan isi arta abiresak alo jon pho. La helo Shedeur asopo Elizur kepi athok-lo.

³⁶Pho arni ke Shelumiel, la Zurishaddai asopo, Simeon ajalin adeng:

³⁷alangli kevan adan ke rup akasu epak, ardi powapho, rup aharlung epak ardi powakethom, kangthirhem alin ateng mesen ahim aduk pen jangthu kepangvui sok-sang adan aphan vanlo;

³⁸hijung plengset aser akasuso epak ardi 100 gram;

³⁹kephrin athok aphan chainong alo ejon, biresak alo ejon, ningkan isi arta biresak aloso ejon;

⁴⁰lapen pap athok aphan bi alo ejon;

⁴¹lapen ningkangsam athok aphan chainong alo jonni, biresak alo jon pho, bi alo jon pho, lapen ningkan isi arta abiresak aloso jon pho. La helo Zurishaddai asopo Shelumiel kepi athok-lo.

⁴²Throk arni ke Deuel asopo Eliasaph, Gad aro ajalin adeng:

⁴³alangli adan ke rup akasu epak ardi powapho, rup aharlung ehong ardi powakethom, la kangthirhem alin ateng, la lata mesen ahim aduk pen jangthu kepangvui sok-sang adan aphan paplengset vanlo;

⁴⁴hijung keplengset ser akasusota vanlo;

⁴⁵kephrin athok aphan chainong aloso ejon, biresak alo ejon, ningkan isi arta abiresak aloso ejon pilo;

⁴⁶pap athok aphan bi alo ejon;

⁴⁷lapen ningkangsam athok aphan chainong alo jonni, biresak alo jon pho, bi alo jon pho, lapen ningkan isi arta abiresak aloso jon pho. La ke Deuel asopo Eliasaph kepi athok-lo.

⁴⁸Throksi arni ke Ammihud asopo Elishama, la Ephraim aro ajalin adeng:

⁴⁹alangli adan ke rup akasu epak ardi powapho, rup aharlung ehong ardi powakethom, la kangthirhem alin ateng, la lata mesen ahim aduk pen jangthu kepangvui asok-asang adan aphan paplengset vanlo;

⁵⁰ser akasuso ardi 100 gram hijung keplengset vanlo;

⁵¹kephrin athok aphan chainong aloso ejon, biresak alo ejon, ningkan isi arta abiresak aloso ejon vanlo;

⁵²pap athok aphan bi alo ejon vanlo;

⁵³lapen ningkangsam athok aphan chainong alo jonni, biresak alo jon pho, bi alo jon pho, lapen ningkan isi arta abiresak aloso jon pho. La helo Ammihud asopo Elishama kepi athok-lo.

⁵⁴Nerkep arni ke Gamaliel, la Pedahzur asopo, Manasseh ajalin adeng:

⁵⁵alangli dan ke rup akasu epak, ardi powapho, lapen rup aharlung ehong, ardi powakethom, kangthirhem alin-kevang ateng, la la ta mesen ahim aduk pen jangthu kepangvui paplengset asok-asang adan vanlo;

⁵⁶ser akasuso epak ardi 100 gram along hijung plengset;

⁵⁷kephrin athok aphan chainong aloso ejon, biresak alo ejon, ningkan isi arta abiresak aloso ejon;

⁵⁸pap athok aphan bi alo ejon;

⁵⁹ningkangsam athok aphan chainong alo jonni, biresak alo jon pho, bi alo jon pho, lapen ningkan isi arta abiresak aloso jon pho. La an helo Gamaliel, la Pedahzur asopo adan kepi.

⁶⁰Sirkep arni ke Abidan, la Gideoni asopo, Benjamin aro ajalin adeng:

⁶¹alangli dan ke rup akasu epak ardi powapho, lapen rup aharlung ehong, ardi powa kethom, kangthirhem alin-kevang ateng, la la alongta mesen ahim aduk pen jangthu pangvuisi paplengset-lo, la soksang adan aphanlo;

⁶²ser akasuso ardi 100 gram hijung paplengset-lo;

⁶³kephrin athok aphan chainong aloso ejon, biresak alo ejon, ningkan isi arta abiresak aloso ejon;

⁶⁴pap athok aphan bi alo ejon;

⁶⁵lapen ningkangsam athok aphan chainong alo jonni, biresak alo jon pho, bi alo jon pho, lapen ningkan isi arta abiresak aloso jon pho. La an helo Abidan, la Gideoni asopo dan kepi.

⁶⁶Kep arni ke Ahiezer, la Ammi-shaddai asopo, Dan aro ajalin adeng;

⁶⁷alangli kepi adan ke rup akasu ardi powapho, rup aharlung ehong ardi powa kethom, la kangthirhem along alin kevang ateng-lo, la la alongta mesen ahim aduk pen jangthu pangvuisi paplengset-lo, la sok-sang athok aphanlo;

⁶⁸kephrin athok aphan ser akasuso epak ardi 100 gram hijung plengset,

⁶⁹chainong aloso ejon, biresak alo ejon, ningkan isi arta abiresak aloso ejon;

⁷⁰pap athok aphan bi alo ejon;

⁷¹lapen ningkangsam athok aphan chainong alo jonni, biresak alo jon pho, bi alo jon pho, lapen ningkan isi arta abiresak aloso jon pho. La an helo Ahiezer, la Ammishaddai asopo kepi adanlo.

⁷²Kre-isi arni ke Pagiel, la Okran asopo, Asher aro ajalinlo:

⁷³alangli dan ke rup akasu epak, ardi powapho, lapen rup aharlung ehong ardi powa kethom, la kangthirhem alin kevang ateng, la la ta mesen ahim aduk pen jangthu pangvuisi paplengset-lo, la sok-sang adan aphanlo;

⁷⁴kephrin athok aphan ser akasuso epak ardi 100 gram hijung plengset;

⁷⁵chainong aloso ejon, biresak alo ejon, ningkan isi arta abiresak aloso;

⁷⁶pap athok aphan bi alo ejon; lapen

⁷⁷ningkangsam athok aphan chainong alo jonni, biresak alo jonpho, bi alo jonpho, ningkan isi arta abiresak aloso jonpho. La an helo Pagiel, la Okran asopo kepi athok.

⁷⁸Krehini arni ke Ahira, la Enan asopo, Naphtali aro ajalinlo:

⁷⁹alangli dan ke rup kasu epak ardi powapho, lapen rup aharlung ehong ardi powa kethom, kangthirhem alin kevang ateng-lo, la la ta mesen ahim aduk pen jangthu kepangvuisi paplengset-lo, la sok-sang adan aphanlo;

⁸⁰kephrin athok aphan ke ser akasuso epak ardi 100 gram hijung plengset;

⁸¹chainong aloso ejon, biresak alo ejon, ningkan isi arta abiresak aloso ejon;

⁸²pap athok aphan bi alo ejon;

⁸³lapen ningkangsam athok aphan chainong alo jonni, biresak alo jonpho, bi alo jonpho, ningkan isi arta abiresak aloso jonpho. La an helo Ahira, la Enan asopo, kepi athok-lo.

⁸⁴Dovan aphan kehodai athok la helo, la jangthu kepatip arni, Israel ajalin atum arideng pen: rup akasu pak krehini, rup aharlung hongkrehini, ser akasuso pak krehini,

⁸⁵rup akasu apaktin ardi powapho, lapen rup aharlung ahongtin ardi powa kethom, kadokave arup amar lin ingkoira phli, la kangthirhem along kelin ateng-lo,

⁸⁶ser akasuso hongkrehini, hijung plengset, kangthirhem along kelin ateng ahongtin 100 gram, ser akasuso kadokave elin-ra 200 gram;

⁸⁷kephrin athok aphan chainong alo jonkrehini, biresak alo jonkrehini, ningkan isi arta abiresak aloso jonkrehini halatum asok-asang adan-heihei penpen; lapen pap athok aphan bi alo jonkrehini;

⁸⁸lapen ningkangsam athok aphan chainong alo jon ingkoiraphli, biresak alo jon throk-kep, bi alo jon throk-kep, biresak aloso ningkan isi arta jon throk-kep. La an helo dovan aputhak jangthu patipdet aphi kehodai athok.

⁸⁹HEMPHU pen kechingkijile HEMPHU kedo Pehem arlo Moses kelutdam ahut alangliphan Kechejok Asinduk athak arveng kedo api jonni adak pen HEMPHU ase arjulong-lo.