Read Karbi MIKAH 5 Bible Online

MIKAH 5 - Karbi bible

MIKAH 5

¹Non nang isi arpong pensi parpong-lo; ketengkhengjisi ili be thurtang-lo; Isi angchin pen halatum halatum Israel atum ajalin abang ang-om theng-lo.

²Bonta nang, O Bethlehem Ephrathah, Judah aro angbong akebinei abang, nang pensi Israel atum inut kepangri a-Bang nephan vangpo la atiri ke phusar arni ahut pen.

³La apotsi oso kechopathe abang la oso amahang pathethetik apor an la halatum aphan hodaipo; ansi kedo-an alangli korte ha Israel arat anat chevoithupo.

⁴Lapen la arjapsi lapen amethangsi HEMPHU ajakong pen an pipo, HEMPHU alangli Arnam adak atur amen pen lapen halatum kedo jokvanpo, pima pirthe kejut anta Alangli nong thepo.

⁵Assiria atum etum alongle along vangpen lapen etum alongle aphuthak nangdong seta etum la abe bang throksi abiresak kevi atum lapen bang nerkep arechoso atum pathurpo; lapen la ningkangsam plangpo.

⁶Nokjir pen halatum Assiria adet pangripo, lapen Nimrod alongri kesat-tang anokjir pen pangripo. Lapen la etum adet kevang un ahut lapen elong ahoi arlo kedong ahut halatum Assiria pen epajokpo.

⁷Ansi Jakob ahin atum, ongdung arat-heihei atum angbong HEMPHU pen kevang ar-e asonpo, monit aphan kanghonghe kalite monit asopo aphan kanghong abap athak arve kejangphro ason.

⁸Lapen Jakob ahin arat-atum det-heihei angbong, ongdung arat-heihei angbong, nampi api atum angbong ahingho asonpo, biresak ahur angbong hingho aloso ason la hatpet lote dongrop-ropsi ingsek-i lapen kepajokdunthek abang avedet ason.

⁹Nangsi nang hotur atum aphuthak ri chirungpo, lapen nang hotur kedo-an virdetpo.

¹⁰Lapen halabangso arni, HEMPHU pulo, “Nang losei an nangtum angbong pen virpo lapen nang ron ahemkonglong-heihei pavirpo;

¹¹lapen nang det arongsopi-heihei pavirpo lapen nang kut-heihei phangno-etpo;

¹²lapen nangrideng pen lodep akam pavedetpo lapen nang thek-kere atum avedetpo;

¹³lapen Ne nang kesoi kumlin-arjan-heihei pavirpo lapen nang arlong anujok-heihei ta pavirdetpo, lapen nangri asai aphan nangkengphu patongte detpo:

¹⁴Lapen Ne nang angbong pen nang Asherah helangpo lapen nang rongsopi-heihei pavirpo.

¹⁵Lapen Nephan kekroikre adet-heihei aputhak Nening kethi lapen ningsedeng pen Ne alar huipo.”