Read Karbi MIKAH 6 Bible Online

MIKAH 6 - Karbi bible

MIKAH 6

¹HEMPHU kopisi kepuma arjunon: Thurnon, nangtum kekhinde alam inglong aphan choningrinon, lapen inglongso-heihei nangtum ase parjunang,

²Arjutha, nang inglong-heihei HEMPHU pen kechehilisai alam, lapen nang pirthe ahemthur chepaningding bom pima HEMPHU amethang arat atum pen isi alam chehilisailo, lapen Alangli Israel pen lam chedanpo.

³“O Ne rat atum, nangtum aphan Ne kopi klemtang-loma? lapen Ne kopusonsi nangpalak loma? Ne thantha.

⁴Pima Ne Ijip adet pen nangvanlo, lapen kebeng ahem pen nanglangtang-lo; lapen nang ingno Moses, Aaron lapen Miriam nangtoilo.

⁵O Ne rat atum, chemathatha Moab arecho Balak kopuson abidi mang-loma, lapen Beor asopo Balam kopisi laphan thak-loma, lapen Shittim pen Gilgal kopi plang-loma la pen nang HEMPHU kepajok akam-heihei chini nangji.”

⁶“Kopi pensi ne HEMPHU angno vangpo, lapen ne methang angsong Arnam angno ardomkhrup poma? Ne me kephrin athok-heihei pen ningkan isi arta achainong aso-heihei pen Alanglilong vang poma?

⁷HEMPHU suri suri abiresak alo-heihei lapen surikep alangroi-heihei ajangthu pen aning ingsamjima? Ne aron kangdi apot ne so-akleng, Ne karjong pap apot ne bang athe pipoma?

⁸Kopisi keme, Alangli nangphan paklang-lo, O monit, lapen HEMPHU pisi nang pen kehang-lo; bonta ahok akangsai akam, lapen kangjinso aphan inghonnon, lapen nang Arnam pen chepabihek-ra kengkam chejornon.”

⁹HEMPHU ase rongsopi anat hang-lo lapen la bidi kangtang atum nangmen thek-longpo: “Arjutha, O khei lapen rongsopi kedo asong atum!

¹⁰Jat-langno ahem akhi kehingno-heihei ne tengne unjima, lapen kelele aketeng lake ahirjuno?

¹¹Jat-langno alindang -heihei lapen chobeichot ajamborong alin-heihei Ne aron pen ingsai nonma?

¹²Nang keplang amonit atum kephangnosi plengset; nangtum asor an chobei alam ningje, lapen halatum angho arlo pachoreichot ade si do.

¹³La apotsi Ne nangphan kechok pangcheng-lo nangpap-heihei apot nangphan rongman pamanpo.

¹⁴Nang choji bonta ingkrangkre detpo, lapen nangpok arlo-heihei kangchir dopo; nang chebi seta cherai thekthedetpo, lapen nang kecherailong an ke Ne nokjir aphan pipo.

¹⁵Nang rikpo, bonta rot longledetpo; nang jit athe sorpo, bonta ajangthu pen nang methang chepatip longledetpo; nang drakha athe-heihei dong lam lampo, bonta alang jun longle detpo.

¹⁶Pima nang Omri kangsai-i aron-heihei rimlo, lapen Ahab ahem akam do-anta rimlo; lapen nang halatum kepare-heihei ensi kengkam chejorlo, lasi Ne nangphan isi parongmanpo: lapen nang rong-asor atum isi kepinrem abanvak plangpo lasi rat atum atam nang inghor nangpo.”