Read Karbi NAHUM 1 Bible Online

NAHUM 1 - Karbi bible

NAHUM 1

¹Nineveh aputhak abirta lahelo, Elkosh asor Nahum kethek-long pen ketokdun alam.

²Abekethur atum aphan HEMPHU langding un-e; Alangliphan kekhang abangphan Alangli adukpilo.

³HEMPHU aning thidapde, bonta Alangli ke jakongthepik lapen ado kedo atum aphan aduk pipepin pen padamlongle, HEMPHU kedam aling tomonpi thurlo; inghun-heihei ke Alangli keng kechejor aduk-lo;

⁴Talo aphan Alangli hukum pilo, lapen la krengtailo! Langroi-heihei alang pakreng-lo. Bashan ahidi-heihei krengrolo, Karmel anglongpi etjolo, lapen Lebanon amir-heihei chekedulo.

⁵HEMPHU angno inglongpi-heihei klemhurlo; Alangli ingno inglong-heihei ingjirlo. HEMPHU nangcheklang lote pirthe klemhur titi; Pirthe lapen la amonit kedo-anta klemhurlo.

⁶Alangli aningthi lote komatsi reng unji? Alangli kepherememe aning thilote komatsi reng unji? Alangli aningkethi amede dung-lo; Alangli ingno longchong ingjelo.

⁷HEMPHU mesen; kesung ahut Alangli rat aphan Alangli railo; Alanglinat kesui atum aphan Alangli lanalo.

⁸Langthepi ketui asonsi Alangli hotur aphan pavirlo; Alangliphan kekhang atum aphan kethiji anat Alangli toilo.

⁹HEMPHU aphan nang kopi kephangnoji klemloma? Alangli nangpavirdetpo. Ephong pen apar baduta Alangliphan khang-un-e.

¹⁰Ingsu lapen kekrengtai asok anar asonsi, nangtum aphan me pachodetpo !

¹¹Nineveh, nanglong pensi kehingno akemang pen keplengset amonit vang-lo, la HEMPHU aphan kephangnoji mang-lo.

¹²Arat aso Israel aphan HEMPHU lasonsi pulo, “Assiria atum ingtangrak lapen aphai ongdung seta latum vir-etji lapen avedetji. Ne rat atum, nangtum aphan Ne si kesung nangpaphotoilo, bonta la Ne puthot klemthuthelo.

¹³Nangtum aphuthak Assiria ajakong non Ne pajutkokpo, lapen nangtum aphan nangkekok-het angchin ari vungpruppo.”

¹⁴Assiria aputhak HEMPHU kepumek lapuson helo: “Halatum amen keche-irji aphan apoton avedetpo. Assiria atum aphan Ne si athiri sikpitang-lo latum kereng-longji a-ot ave!”

¹⁵Langtha, inglong-heihei athak birta keme kevan abang vangbomlo! Kehai abirta pachethangjisi Alangli tovar chevangbomlo! Judah arat atum, nang rong-aje chetalonnon, lapen Arnam aphan kopisi chechak-loma chepaplengnon. Kehingno atum nangdet puthot tengkheng thuthelo. Latum aphan pavir pametang-lo!