Read Karbi NAHUM 2 Bible Online

NAHUM 2 - Karbi bible

NAHUM 2

¹Nineveh, nangphan nangtengkheng tang-lo! Nangphan kepangje-iji ajakong vangtang-lo. Monit pacherai-komnon! Tovar tonnon! Kechedanjile chesiknon!

²(HEMPHU ke Israel adak atur kepadothujisi mathalo, bangpi aphan ahotur atum thipon-et-e aphrang ahut ason.)

³Hotur aron-aso atum chong ke-er cheponlo. Latum ketengkhengjisi chesik-lo! Latum aronhemkonglong me asonsi tur-ang-lo latum alosei akeng chirung-lo!

⁴Tovarpi-heihei soding ronhemkonglong kekong-long pasedengkot-lo, rongsopi achetai-heihei kangplong helatvoivailo. Latum thengtom asonsi turphlak lapen sining kebirlak asonsi lengphit.

⁵Chakri atum aphan hangpet-lo; latum dambom ahut patekung-lo. Ketengkheng atum arpong anat kat-lo lapen kerangkhajisi achong-heihei tot-lo.

⁶Langroi akung anghap-heihei chingkodang-lo; rechohem kepherememe pensi plengset-lo.

⁷Rechopi aphan bengponchek-lo; bangpi aban atum vothung asonsi kurjolo lapen ning duksi aning cheteng-lo.

⁸Langteng pen lang keli asonsi Nineveh pen rat atum bephlung-lo! “Sangtha! Sangtha!” pu hang-lo bonta baduta aphi chelangle det-lo.

⁹Rup thipon non! Ser thiponnon! Rongsopi akhi plengset!

¹⁰Nineveh virtang-lo, samphridang-lo, parongmandet-lo! Kephere pen aning ingduk-ruilo; Kengphu klemhurlo, jakong avedet-lo; mahang ikkuilo.

¹¹Hingho asomar aphan kepacho adim, hadak hingho alo lapen api dampo lapen latum asomar hadak jokvanpo lason hingho angthor ason arongsopi non konat-lo?

¹²Hingho marat api pathilo api aphan lapen asomar aphan la ingsekpi-ilo, la angthor kangsektang a-ok pensi plengset-lo.

¹³Ne nangtum ahoturlo, pusi Jakongthepik HEMPHU ningjelo. “Nangtum aronhemkonglong-heihei Ne me thor-etji. Nang ron-aso atum ron along thi-etji, lapen nangtum akaprek pen kepon amar an nangtum pen Ne pon-etji. Nang pherangke atum ase arjulongledetpo.”