Read Karbi NAHUM 3 Bible Online

NAHUM 3 - Karbi bible

NAHUM 3

¹Kechobeichot pran karmut arongsopi pavirnang, kethipon nangji lapen kephangno nangji akhi pensi plengset!

²Arjutha! Sabuk kesap arki, Adang-heihei kekong-long arki losei atum kangplong arki, ronhemkonglong-heihei kedam arki!

³Losei kardon atum pangplong-lo, nokjir doiplarplur, chir turplaipluilo! Kethi arpum angsom ingtuihailo, kethitang aphai lakha un-e lahei athak monit patekungruilo!

⁴Akhat-kave a-Nineveh aphan aduk pitang-lo, ar-i-meme lapen pherememe akelangme pensi plengset, bangpi det atum aphan moilo lapen halatum aphan ban pamanlo.

⁵Jakongthepik HEMPHU pulo, “Nineveh, nangphan Ne aduk inghoiji, nangreng angsesi nangphan nangbiji; anke det atum nangpathek-long nang, nang ketherak an nangpathek-long nang.”

⁶Ne nangphan nanglangroppo, lapen kehijimeme ason pen nangdippo. Rat atum kephere pensi nangphan nanglang phrongpo.

⁷Nangphan nang kethek-long an atum aphi chiruipo. Latum pupo, “Nineveh ruhup-lo! Bangpi aphan komatsi jinsopoma? Komatsi bangpi aphan than pangsampoma?”

⁸Nineveh, nang Ijip adet arongsopi-kethe, Thebes aphan memulangma? Bangpi aphan ta keparaiji aphan arpong ason langroi dolo, Nil Aroi ke bangpi aphan kechedanpi abang-lo.

⁹Bangpi Sudan lapen Ijip pangrilo, lapen bangpi ajakong ahoi ave; Libia ke bangpi pen kejelang adet-lo.

¹⁰Tebonta Thebes arat atum aphan ban pondet-lo. Tovarpi akung alongtin halatum asomar atum aphan chokbop-lo. Halatum a-arlengkethe atum aphan ingchin ari pen kokponsi pondet-lo lapen kebengpon atum angbong chethaksi ponlo.

¹¹Nineveh, nang ta hor kangri cheputhekthe pin cheplangpo, Nang amat ta nang hotur arideng pen kekatji aphan bor-ipo.

¹²Nang pai raikom kedo-an athe kemen thebo arong asonpo: Arong hijuknon, anke athe nangho angden nangklo thot thotpo!

¹³Nang ron-aso atum ariso atum ason, lapen nang hotur atum angno nangdet kecheraiji aphan arjap un-e. Inghap-heihei adai an me cho-etji.

¹⁴Kekompet aphan lang soknon, lapen pairaikom-heihei chepangtangnon! Ita keselamjile inghan dong patipnon, lapen ita arjan sikkoinon!

¹⁵Nang ajat-le klem seta, nangphan me nangphrindutpo mate ron along thinangpo. Longvurle sok kecholap ason thak-thaksi nangphan pavedetpo. Longvur atum asonsi nang chepachan-olo!

¹⁶Sining-inghun chiklolongso-heihei apar kejor-kenam atum nang mahang pathek-pa-ongmulo! Bonta latum non longvur atumle arveng chejarsi kangjar asonsi dam-et-lo.

¹⁷Nang chakri atum kangsam ahut arpong bithe kebonhet longvur atum ason. Bonta arni atur nangle lote latum ingjarphlorpo lapen latum konattong kedamlone la baduta chinidun un-e!

¹⁸Assiria arechokethe, nang govornor atum kethitang saide, lapen nang arlengkethe atum kaike aphan mekjangtang-lo! Nang rat aso atum inglongpi-heihei athak pratseilo, lapen latum aphan baduta ahem methang kevanthuji abang avelo.

¹⁹Nang kechero amek keme-iji ason ave, lapen nangreng amek me-un-elo. Nang kevir abirta karjulong abangphutin aning arongsi halatum ari chardep-po. Nang kejut un-epin akechenek pen mane inutbak kejok-long doloma?