Read Karbi HABAKKUK 3 Bible Online

HABAKKUK 3 - Karbi bible

HABAKKUK 3

¹Habakkuk montri akardom; Shigionoth ateng pen.

²O HEMPHU, ne Nang lamjir alam arjulong-lo, lapen nangkam ne phere, O HEMPHU. Ningkan angbong la paminon; ningkan angbong la pachininon; ningkethe ahut kangjinsojile chematha thunon.

³Arnam Edom pen vang-lo, lapen kangthir Abang Paran anglong pen vang-lo. Alangli adak-atur sining binlo lapen pirthe Alangliphan kero plengset.

⁴Alangli akephlan ke kethe-ang ason thakthak Alangli ri pen atur khelanpik; lapen Alangli jakong hadak chepatu.

⁵Alangli ingno mavur damtang-lo; lapen aphi phi avur-akrem dun,

⁶Alangli arjapsi pirthe punlo; Alangli lang si det-heihei pachingdat-tang-lo, dover anglongso-heihei aklong inglimtang-lo Alangli atovar hako ahut ason.

⁷Ne Kushan ape ahem-heihei kesung thek-long-lo, Midian adet kebeng ape klemhurlo.

⁸Nang langroi-heihei aphan jasemetsi ning thitang-loma, O HEMPHU? Langroi-heihei aphantong Nangning thiloma? mate losei-heihei athak lapen Nang kehaisi ronhemkonglong athak kardon ke talo aphantong Nangning thiloma?

⁹Nangthai pen Nang thai-aso-ahom adip ingpulo, lapen thai ari along aso-heihei bilo. Nang langroi-heihei pen pirthe phlak-lo.

¹⁰Inglong-heihei Nangphan thek-longsi, chardak; sang thekthe alang-heihei arbok ponbom; Lang-lom la ase chepadolo, la ari-heihei angsong chirung-lo.

¹¹Nang thai-aso kangjar latum prap-piksi pathe-ang, lapen Nang nokjir keplirplar atur arni lapen chiklo latum kedo adim sa kok-lo.

¹²Nang jasemet ningthisi pirthe helat-lo, ning kethi pen khei-heihei aphan akeng pen silo.

¹³Nang Nangrat kepajokjisi damlo, Nang jangthu kepatiptang abangphan kepajokji athesi Nang kehingno abang aphu paropsi akengtham pen achethok an areng angse bilo.

¹⁴Nang ron-kechedan atum aphan Nang dinglep anokjir pen aphu tok labang nephan pachingdat-jisi mongve ason vang-lo, keduk aphan kechojoiji asonsi ning cheparong.

¹⁵Nang Nang-losei pen talo aphan Nangkeng pen silo, anke lang-heihei adihu thepik-lo.

¹⁶Ne arjulong lapen ne-ok klemhur, arki apot ne ingtur klemhur; kethu ne reppi arlo lut; ne karjap adim thirthe etum aphan ketengkheng arat aphuthak kevangji kesung arni aphan ne chonghongjoipo.

¹⁷Thebo arong pangpharphe rikanghei hei athe pathethe, jit arong athe pathedunde lapen hidi-heihei athe longle; aroi pen pi ahur avedet, lapen chainong ahur aroi-heihei along avekoi seta

¹⁸Ne HEMPHU along chehokji, Ne kepajok a-Arnam along ning cheparongji.

¹⁹Arnam HEMPHU ke nejakong Alangli nekeng thijok akengber ason paplang. Alangli kangtui-heihei athak ne padong-long.