Read Karbi ZEKARIAH 13 Bible Online

ZEKARIAH 13 - Karbi bible

ZEKARIAH 13

¹Halabangso arni David akhei lapen Jerusalem asor aphan halatum apap pen lapen kangthirthe pen kechamjisi lang amek ingpupo.

²Lapen muluk a-HEMPHU pulo, halabangso arni Ne det angbong pen amen-heihei pavedetpo; lasi halatum kaita cheparnonedetpo; lapen Ne det angbong pen montri atum lapen kangthirthe akarjong phlungpo.

³Lapen jongsi anut kaprek montri ason cheklang lote api apo laphan kechopathe atum laphan pupo, “Nang reng nangne, athe HEMPHU amen pen nang chobei alam ningjelo;” Lapen api apo laphan kechopathe atum bangso abang kemontri un ahut laphan tokbop po.

⁴Halabangso arni abangphutin kemontri abang kethek-long ason kemontriji therakpo, kepamanghuji aphan angmi keding ape che-um-edetpo,

⁵bonta la pupo, “Ne montri kali, ne ke sai ketiki abang; pima ne riso ahut penta longle ne cherailong-lo.”

⁶Lapen mane abang laphan “Nangnung halahei amek kopilo?” Pu arjulote, “Lahei amek nejirpo ahemsi long-lo,” pu thakpo.

⁷Thurnon, O nokjir, Ne biresak kevi atum abe thurnon, Ne dung karjap abang abe thurnon, pu muluk a-Hemphu-si kepulo. “Biresak kevi abangphan areng pasonon, anke biresak atum pratjampo; Ne bihek-hak atum abethurpo.

⁸HEMPHU pulo, ‘Det adang an phanthom angbong pen phanni virsi thipo, lapen phanthom pen ephan si rengchotji.

⁹Lapen la phanthom pen ephan Ne me angkang along phrinsi langpo, lapen halatum aphan rup kepangthir ason pangthirpo, lapen ser asat kelang asonsi halatum aphan langpo. Halatum Ne men aphan hangpo, lapen Ne halatum aphan thakpo.’ ” Ne pupo, “Halatum Nerat asolo,” lapen halatum pupo, “HEMPHU ne-Arnamlo.”