Read Karbi ZEKARIAH 4 Bible Online

ZEKARIAH 4 - Karbi bible

ZEKARIAH 4

¹Lapen nelipen kechingki apherangke vangthusi neli ingthurlo, lake amek kejang abang aphan kangthur ason thakthak.

²Lapen alangli neliphan pulo, “Nang kopi thek-long-lo?” Neli pulo, “Ne thek-long-lo, lapen chininon, ser amelur archok lapen athak harlung ehong lapen la athak melur throksi do lapen asitin amelur along throksi achechilut la athak dolo.

³Lapen hadak jit arong rongni adung do, erong harlung ar-e anat lapen erong abang arvi anat.”

⁴Lapen nelipen kechingki apherangke aphan neli pulo, “Lahei kopilo, hemphu?”

⁵Ansi nelipen kechingki apherangke neliphan thak-lo, “Lahei kopima nang chininema?” Neli pulo, “Chinine Hemphu.”

⁶Ansi Alangli neliphan pulo, “Lake Jerubbabel aphan HEMPHU alamlo: Chir-nok pen kali, jakong penta kali, bonta Nekarjong pen pusi muluk a-HEMPHU pulo.

⁷Nang komatma O inglongthepi? Jerubbabel angno nang thoi plangpo; lapen ‘Kangjinso, laphan kangjinso pu hangsi alangli thaksi a-arlong vanpo!’”

⁸Lapen HEMPHU alam puthot nelilong vangsi pulo,

⁹“Jerubbabel ari pensi ahem ahemthur kimlo; lapen alangli ri pensi la patangpo. Ansi muluk a-HEMPHU si nangphan nerat atum along nangtoilo pu latum chinipo.

¹⁰Komatma bihek arni ason aphan kepinrem abang aling chehokji pima Jerubbabel arideng hem kekim-i apholong thek-longji.” Lahei throksi ke HEMPHU amek-lo, la pirthe adang an thek-long-lo.

¹¹Ansi neli alangliphan pulo, “La melur archok ar-e lapen arvi kedo jit athengpi rongni kopilo?”

¹²Lapen neli bataihini aphong alangliphan pulo, “Jangthu kedung-i ser achutchilut hini adung kedo jit aro hongni kopi?”

¹³Neliphan alangli pulo, “Lahei kopilo nangli chininema?” Neli pulo, “Chinine hemphu.”

¹⁴Ansi alangli pulo, “Pirthe adang ahemphu adung karjapphrong la banghini HEMPHU kangvai tang atumlo.”