Read Karbi ZEKARIAH 7 Bible Online

ZEKARIAH 7 - Karbi bible

ZEKARIAH 7

¹Darias recho kecho phli aningkan sirkep achiklo mate Chislev achiklo lo, nikhap phli arni HEMPHU alam Jekariah along vangthulo.

²Bethel asor HEMPHU pen kangjinso kepahangjisi Sharezer lapen Regemmelek lapen halatum amonit atum aphan toilo.

³Lapen “Ne chiru-charnap pen pho achiklo aphrang-phrang aningkan Ne keklemver asonthak thak anhum nangjima” pu muluk a-HEMPHU ahem kedo akurusar atum lapen montri atum aphan karjuji ninghang-lo.

⁴Ansi muluk a-HEMPHU alam nelilong vang-lo;

⁵“Det kedo-an arat aphan kurusar atum aphan punon, nangtum an kehum ahut lapen pho achiklo lapen throksi achiklo kechiru-kecharnap ahut, pima ningkan throksi kep la Nephanle nangtum an kehum kalima?

⁶Lapen nangtum kecho kejun kalima?

⁷Jerusalem monit plengset ahut lapen rengdok-rengni pen rongsopi-heihei komchen kedo un ahut lapen Nitur anat lapen Thoi anta monit plengset ahut lahei alam aphrang amontri atum pen ajok HEMPHU pachethang thelangma?”

⁸Lapen HEMPHU alam Jekariah along vangthusi pulo,

⁹“Muluk a-HEMPHU lasonsi pulo, ahok akangsai-heihei padonang, abangphutin akorte aphan kechinghon lapen kangjinso chepaklang nangji,

¹⁰hemepi, jangre, bang adet amonit lapen keduk atum aphan chenek-ri; lapen nangtum angbong baduta aning arlo akorte aphuthak abethursi kehingno klemri.”

¹¹Bonta halatum karjuji aphan dengdedet-lo, lapen chingkinodaksi angthin chepathelo lapen karjulongle-detjisi ano chedendedet-lo.

¹²Muluk a-HEMPHU amethang akarjong pen ajok ketoitang aphrang amontri atum pen nangkelo aron lapen alam-heihei karjulongledetjisi halatum aning arlong ason thak thak chepangtang-lo, la apotsi muluk a-HEMPHU jasemet pensi aningthilo.

¹³Lapen Alangli halatum aphan kehang ahut halatum arjujedet asonthotsi halatum kehang ahut Alangli arjulongledetpo pusi muluk a-HEMPHU pulo.

¹⁴“Lasi Ne halatum aphan tomon-mongvepi pen halatum chinine-pinlang adet-heihei angbong papratseiji. Lason halatum ke-otang adim ingsamrisi kehelat abang avedet-lo lapen la kemesen adet pangsamrilo.”