Read Karbi MALAKI 4 Bible Online

MALAKI 4 - Karbi bible

MALAKI 4

¹Pima chininon, anekethe atum lapen kehingno keklem atum an sok anar ason cheplangdetji, la pherang nangnak kar-ang arni nangletang lo; halaso arni halatum aphan me chodetpo, pusi muluk a-HEMPHU pulo, lasonsi angkur lapen arota sasedetpo.

²Bonta Nemen aphan kephere la nangtum aphan athikpet arni avengkong pen keso-kepamejisi vangpo. Chainong asole aroi pen kebar pakedakphro asonsi nangtum damlongpo.

³Lapen nangtum kehingno atum aphan dong-longpo, pima Ne keklemji arni halatum nangtum akengpak arum athek-lo plangpo, pusi muluk a-HEMPHU pulo.

⁴Neban Moses aron chemathathu non, Ne Horeb anglong athak Israel atum an aphan pusi Ne alangli phan keraitang aron lapen kangsai-i aron-heihei hukum pilo.

⁵Chininon, HEMPHU thepik lapen pherememe arni nangkele aphrang Ne nangtum along Elijah montri nangtoipo.

⁶Lapen alangli apo atum aning osomar anat tevarpo, lapen osomar atum aning apo atum anat tevarpo, kalite Ne vangsi isi ahirjuno pen det pavirpo.