Read Karbi KETHAN 25 Bible Online

KETHAN 25 - Karbi bible

KETHAN 25

¹Pudamlonang, banghini a-Israel atum eson alam chepamit damji aphan kangsaihem damlo, lapen inut abangphan adai ave pu pachethang-lo, lapen anut kaprek abangphan adai hok-lo.

²Adai-kedo abang jongsi karbu kecholong nangji pulote kangsai abang laphan angphun arum patongki nangji lapen laphan pasap nangji. La kopi akehingno akamma keklem halaso ateng si sap nangji.

³Ake-ong muchotta batai phlikep anbak sap nangji, la apar sap nangnelo; la apar sap lote laphan rat angno patherak ongpo.

⁴Sok kesi ahut nang chainong angtur rak nangnelo.

⁵Banghini akorte atum jongsi elongvet dorapchom ahut, latum angbong inut abang thilot-lo, asopo pamo tekangkepin, pulote la kepaheme apiso abangphan hem isi angtan ke penan padolong nangnelo; la ke kethilot abang akortesi bangpi aphan piso en nangpo.

⁶Latum asokleng ke hala kethitang abang aso pusi matha nangpo, lasonlote la apoton Israel angbong angthun dopo.

⁷Jongsi kethitang abang akorte bangpi aphan ke-enji aninghanghe pulote bangpi ha rongso ajalin atum angno dam nangpo lapen pu nangpo, “Neli penan akorte ke adeng cheklemkle; Israel arat angbong akorte apoton la kepadoji-molo.”

⁸Anke rongso ajalin atum laphan pahangdetpo lapen laphan pupo. La jongsi bangpi aphan ke-enji mobomlang pulote,

⁹la akorte ahemepi abang rongso ajalin atum angno la along dampo, la akeng-op ehong phlokjokpo, amahang ingthokplakpo, lapen pupo, “Akorte aphan apoton kepadode abangphan ke lapuson lo.”

¹⁰La hemtun Israel angbong ke “Akeng-op kephloktang amonit ahemtun pusi chethangpo.”

¹¹Jongsi banghini amonit chebohong-lo lapen inut amonit apiso abang anut kaprek amonit a-ok kangduk ke-otdunthip pen ajok apenan aphan cherapdunlo,

¹²bangpi aphan kangjinso paklangri; ari chorpetnon.

¹³Nangtum ajarong arlo sonni kelin-i arlong pado nangne, isi themuchot lapen isi ke bi muchot.

¹⁴Nanghem ta sonni athuli bi nangne.

¹⁵Ahokpet alin a-arlong lapen athuli le ennon, anke nangtum aphan HEMPHU nangkepiji pu alongle along nangtum ajir keding an dolongpo.

¹⁶Kechobei amonit atum aphan HEMPHU hijimparlo.

¹⁷Nangtum Ijip adet pen kevang ahut nangtum aphan Amalek atum kopisi nangkeklemloma chemathatha.

¹⁸Latum Arnam aphan pherere, nangtum kelak ke-aini ahut nangtum aphan latum aphi anat pen nangtengkheng lo, lapen aphi kedo atum aphan pathilo.

¹⁹Nang Arnam HEMPHU nangtum aphan longle nangkepi ahut alangli do-an nanghotur atum pen nangpajokvan lo, atheke latum kompetsi dolo, chininon Amalek kedo-an aphan pathi-et non, anke latum aphan kadokaveta tengnedet khangjangpo. Laso alam chematha damnon, tengneri.