Read Karbi KETHAN 31 Bible Online

KETHAN 31 - Karbi bible

KETHAN 31

¹Israel arat aphan Moses lam thanbomlang,

²lapen pulo, “Ne nangtum ajalin plangver un-elo, athema ne arta ningkan pharo isira ingkoilo. La aparta HEMPHU neliphan nepulo ne Jordan aroi hat dun longlelo.

³Nang Arnam HEMPHU-si amethang nangtum aphrang dampo lapen hadak kedo akhei atum aphan pavirpo, anke nangtum halatum alongle cheraipo; lapen HEMPHU kepu ateng Joshua-si nangtum ajalin plangpo.

⁴Amor arecho atum Sihon lapen Og lapen adet aphan kepavir asonthotsi halahei arat aphan HEMPHU pavirpo.

⁵Latum aphuthak HEMPHU-si nangtum aphan pahaipo, lapen ne nangtum aphan nangkethan asonthot-le latum aphan klemnon.

⁶Ning chepathirthipnon lapen ning chepathethipnon. Latum aphan phereri. Nang Arnam HEMPHU amethangsi nangtum along nangdodunpo. Alangli ke nangtum aphan rapvekji lapen nang turchorchelo.”

⁷Anke Moses Joshua aphan Israel arat kedo-an angno hangsi pulo, “Ning chepathirthip non lapen ning chepathethipnon; nangsi lahei arat atum aphusar atum aphan HEMPHU kechak alongle kepacheraidamjisi japonpo.

⁸Nangphan HEMPHU ame-thangsi nangjapo lapen nangdodunpo. Alangli nangphan rapvekji lapen nangturchorche, lasi ning biri mate phereri.”

⁹Lasi Moses ke Arnam aron tokpilo lapen la Levi akurusar atum aphan pilo, latum HEMPHU Kechejok Asinduk kelang atumlo lapen Israel ajalin atum aphan pilo.

¹⁰Latum aphan alangli hukumpilo, “Ningkan throksi kepleng aningkan, preng-arvo kediya aningkan nangkele ahut, Kechepachong Arong-aje-heihei ahut la asekethe pen porheparjunon.

¹¹Israel arat atum nang Arnam HEMPHU aphan karchojile elong karcho adim kevang ahut la porheparjunon.

¹²Pinso, arlo, osomar lapen nangtum angbong arongso-heihei nangkedodun bang adet aso atum an aphan hangpetnon, anke abangphutinta la arjulongpetpo lapen ke nang Arnam HEMPHU aphan aman kepi atum lapen nang Arnam HEMPHU aron karjulonglepinlang nangpoton atum la arjulongpo. Anke Jordan parai nangtum kecheraiji pu alongle along dotik an Alangliphan latum kekroiji charlipo.”

¹³Lasonsi nangsomar atum lapen nang Arnam HEMPHU aron karjulonglepinlang nangpoton atum la arjulongpo. Anke Jordan parai nangtum kecheraiji pu alongle along dotik an Alangliphan latum kekroiji charlipo.

¹⁴Anke Moses aphan HEMPHU pulo, “Nang kereng long-oji avelo. Joshua aphan hangnon lapen Pehem arlo vannon, anke Ne laphan pinkhat longpo.” Pehem arlo Moses lapen Joshua damlo,

¹⁵lapen Pehem ajakan along karjapding anghun archok pen latum aphan cheklang-lo.

¹⁶Moses aphan HEMPHU pulo, “Nang thi dapprangpo, lapen nang thilot aphi rat atum Nephan kroithekthe lipo, lapen latum pen Ne kechejok aloh latum ingdipo. Latum Nephan obuppo lapen latum kelutdamji along le along kedo kalile a-arnam-heihei aphan archopo.

¹⁷La plang-lote Ne latum aphan Nening thipo; Neta latum aphan obuppo, lapen latum aphan pavirdetpo. Ongdung akevir latum aphuthak vangji lapen lahei keplanglong ke Ne, latum a-Arnam latum along dodundedet apotsi lahei plang-lo pu latum chechinipo.

¹⁸Ne latum aphan kerapjimopo, pima latum kehingno akam klemlo lapen kaprek arnam-heihei aphansi archolo.”

¹⁹Non, laso alun toknon. La Israel arat aphan thannon, anke la latum aphan isi angthek plangpo.

²⁰Latum aphan Ne la longle kemi lapen aho-or kedo adim ponpo, athema Ne latum aphusar atum aphan chechak-lo. Hadak latum aninghang an a-an longpo, lapen latum kedo rengmejirpo. Bonta latum suisi akaprek a-arnam-heihei aphan archopo. Latum Nephan dengmopo lapen kechejok aloh ingdipo,

²¹lapen latum aphuthak ongdung kepherememe akevir vangji. Bonta laso alun ke lunbompo, lapen la ke latum aphansi angthek plangpo. Non Ne latum aphan kepiji pu alongle along ponpe aphrangta latum kopisi kemathama Ne chini.

²²Halaso arni amat Moses lun tokpilo, lapen la Israel arat aphan thanlo.

²³Anke Nun asopo Joshua aphan HEMPHU ningjelo lapen pulo, “Ning chethethipnon lapen ning chepathirthipnon. Nang si Israel arat aphan Ne latum aphan kechak alongle along japonpo, lapen Ne nanglong nangdo dunpo.”

²⁴Epak aloh along Moses Arnam Aron tok-lo, ajatta tengnenedetji aphan langpamelo.

²⁵Alangli patang-et aphi, alangli Levi akurusar atum aphan pulo, athema latum HEMPHU Kechejok Asinduk kelang atumlo.

²⁶Laso Arnam Aron aloh ponnon lapen la nang Arnam HEMPHU Akechejok Asinduk adungle binon, anke la hadak alangli rat aphan isi ahaki ason dopo.

²⁷Latum ko-an kechingkino lapen kethurkrapma ne chini. Latum ne kai arjon HEMPHU abe thurlo, lapen ne thidet aphi latum thurkrap muchotjilang.

²⁸Ne ingno nangtum akhei ajalin an lapen kerapdun aban atum an nangchingrumnon, anke lahei alam ne latum aphan than longpo; latum aphuthak ahaki pachoji aphan ne sining lapen pirthe aphan phalo.

²⁹Rat atum ne thidet aphi hingnopikji lapen ne latum aphan kethantang alam kroimoji lapen chini. Lapen kevangji arni latum kevir chetongpo, pima latum klemri pu ason keklem pen ajok HEMPHU aphan aning pathilo.

³⁰Anke Moses kedo-an alun lunlo lapen Israel arat atum arjudunding-lo.