Read Karbi KETHAN 34 Bible Online

KETHAN 34 - Karbi bible

KETHAN 34

¹Moab athoi pen Moses damsi Nebo Anglong anat arludamlo, Jeriko anihang angdeng Pisgah Anglong aphuchong anat an, lapen hadaksi HEMPHU alangliphan longle kangthim paklang-lo: Gilead alongri la ha nirep an kedo Dan arongso an lelo;

²Naphtali alongri kangthim; Ephraim lapen Manasseh alongri kangthim; Judah alongri ha nichi an lake Mediterran Atalo an;

³Judah anitur alongri; lapen Zoar pen Jeriko athoi, sotele arongsopi an.

⁴Anke Moses aphan HEMPHU pulo, “Lahei alongle helo Ne Abraham, Isaak lapen Jakob apoton atum aphan kepiji pu alongle lo. Nangphan Ne la nangpalang long-lo, bonta Ne nangphan hadak nangpadun longlelo.”

⁵Lasi Moses, HEMPHU aban, hadak Moab alongle alongsi thi-lo, la HEMPHU kepu ateng-lo.

⁶Moab arlok along HEMPHU laphan pip-lo, lake Bethpeor arongso angdenlo, bonta pini an baduta alangli kechepip binong adim chininelang.

⁷Moses kethi ahut alangli arta ningkan pharo isira ingkoi anlo; alangli kaike ta ingtangrak, lapen alangli mekta chechar pame.

⁸Moab athoi along Israel arat atum alangli phuthak niphlikep chirulo.

⁹Nun asopo Joshua abidi pen plengset-lo, pima alangliphan Moses si alangli dular bat-lo. Israel arat atum Joshua aphan kroilo, lapen Moses pen ajok latum aphan HEMPHU kepi ahukum-heihei rimpamelo.

¹⁰Israel along Moses asonthot montri avepinlang; alangli ke HEMPHU pen chepangnolorsi lam ningjelo.

¹¹Ijip arecho, achakri atum, lapen adet kangthim aputhak HEMPHU Moses aphan kepaklemtoi manghumeme lapen angthek-heihei ason badu amontri atumta klemkle pinlang.

¹²Israel atum angno thedung lapen kepherememe akam badu amontri kaprek atum klem un-epinlang.