Read Karbi GALASIA 1 Bible Online

GALASIA 1 - Karbi bible

GALASIA 1

¹Monit pen kali, lapen monit pen ajokta kali, bonta Jisu Khristo lapen alangliphan kethitang atum angbong pen kepathur abang, Po Arnam pen ajoksi ketoitang abang keplang abang, neli Polsi nanglitum aphan, atheke Galasia amondoli mate kroi-asong atum aphan labangso aloh tok-lo.

²Neli long kedo Khristian akorte atum anta nanglitum aphan kardom nangpidunlo.

³Epo Arnam lapen Hemphu Jisu Khristo nanglitum aphan kangjinso lapen ning kangsam nangpapinang.

⁴Ilitum aphan labangso kehingno akai pen ekepajokphlotjisi e-Po Arnam aning kehang ateng Jisu Khristo ke ilitum apap hei hei pen apot amethang apran chepidet-lo.

⁵Kejut un-e akai apar akai anta Arnam adak atur pathenang! Amen.

⁶Neli nanglitum aphan manghuhak-lo, pima Khristo akangjinso angbong nangkepadojisi nanglitum aphan nangkepha abang aphan nanglitum lapu-an akeprap pen osi akaprek abirta keme deng-lo.

⁷Akaprek abirta kemele kedo ke kali, bonta nanglitum aphan kepasiksakji lapen Khristo a-Birta Keme kelarji kerirok atum dokok apotsi neli labangso alam kepudam.

⁸Bonta nelitum tame, mate sining apherangke atum settame, jongsi nelitum nanglitum aphan nangkethantang a-Birta Keme pen kechingbarbe abirta kemesi nanglitum aphan nangthanlo tangte, labangso abang ke chom ahirjuno paphonang!

⁹Nelitum aphrangta labangso alam pulo, lapen nonta puthupo: komane abang jongsi nanglitum kedengtang a-Birta Keme pen kechingbarbe abirta keme nanglitum aphan nangthanlo tangte, alangli ke chom ahirjuno paphonang!

¹⁰Monit atum aning nekepadokjisi neli kebor-i nangnakma? Kali! Neli ke Arnam aning nekepadokjisi ning hang-lo. Monit atum angbong neli men pachethang-oji pu aphantong neli kebor-ima? Neli jongsi lapuson aphansi kebor-ibom pulo tangte neli ke Khristo aban kalilo.

¹¹Kortemarli atum, neli nanglitum aphan nangthanlang, neli kethan kepa-chethang a-Birta Keme ke monit penle kevang kali.

¹²Lake badu amonit along penle neli kelong kali, mate komanele nekethan kali. Lake Jisu Khristo amethangsi neliphan nepaklang-lo.

¹³Neli Jihudi adhorom angbong kedo ahut neli kopusonsi klemloma, mate kopusonsi neli ingjinsosepin pen Arnam amondoli mate kroi-asong aphan chenek-lo lapen kepavirdetji aphan bor-iloma, lake nanglitum arjulong-lo.

¹⁴Jihudi adhorom kekroi anatta neli ke neli methang amonit angbong neli ovemar penang atum apar paphrangmulo, lapen nelitum aphusar atum pen kevanbon alam barim aphanta neli mathamuchot-lo.

¹⁵Bonta Arnam amethang akangjinso pen neliphan neli mahang thekthe ako pen neingvailo, lapen alangli kam kepaklemji aphan nephalo.

¹⁶Jihudi kalidet angbong Arnam a-Sopo alamjir a-Birta Keme kepachethang thekji aphan Arnam neliphan amethang a-Sopo nekepaklang ahut neli badu alongta chingvaidamdelo,

¹⁷lapen neliphrang ketoitang keplang atum pen kechingkiji aphan Jerusalemta damdelo. Neli Arobia adet damphit-lo, lapen aphi neli Damaskas chevoithu-juilo.

¹⁸Ningkan kethom aphisi neli Pitor pen kechetongji aphan Jerusalem damlo, lapen alangli long neli ni krepho an dolo.

¹⁹Hemphu akorte, Jems aphan apar ke ketoitang badu aphanta neli thek-longlelo.

²⁰Neli ketok alam ke ahokpet alamlo. Neli pachobeibe, lake Arnam chini!

²¹Ansi neli Siria lapen Silisia adet hei hei damlo.

²²Halabangso ahut an Judia adet arlo amondoli mate kroi-asong amonit atum neli pen chetongtepinlang.

²³Anut kaprek atum kepu alamsi halatum chinichot-lang. Atheke hala anut kaprek atum pulo. “Aphrang etum aphan kechenek abang nonke Khristo aphan kekroi alamsi than pachethangbomlo. Ahut isi ke alangli labangso akekroi kepavirjisi bor-ilo.”

²⁴Ansi halatum neli pen apot Arnam anong pathelo.