Read Karbi JOSHUA 12 Bible Online

JOSHUA 12 - Karbi bible

JOSHUA 12

¹Israel arat atum ron haisi Jordan anihang alongle cheraidet-lo, Arnon Arlok pen Jordan Arlok karlu an lapen Hermon along anirep antalo. Latum banghini arecho aphan paremlo.

²Inut ke Sihon, la Amor arecho Heshbon along kepangri abang-lo. La adet Gilead achitim anta parlolo; Aroer(Arnon Arlok angchun) pen halaso arlok achitim arongsopi lapen Jabbok aroi ha Ammon ahoi an;

³La Jordan Arlok pen Galili alangbi anitur ha Beth-Jeshimoth (Thitang Atalo anihang) lapen Pisgah anglong akeng-ri anat an lo.

⁴Bashan arecho Og aphanta latum paremlo, la Rephaim anglong ajutsilo, la Ashtaroth lapen Edrei along pangrilo.

⁵La adet Hermon anglong Salekah, lapen Bashan kedo-an Geshur lapen Maakah achitim an lapen Heshbon arecho Sihon adet an parlolo.

⁶La banghini arecho aphan Moses lapen Israel aratsi paremlo. HEMPHU aban, Moses halatum alongle Reuben lapen Gad lapen Manasseh achitim akhei aphan pisi pachehemphu-toilo.

⁷Jordan anichi anat kedo adet arecho atum aphan Joshua lapen Israel arat atum keparem lahei helo, la ke Lebanon Arlok along Baalgad pen ha Halak Anglong lake ha Seir anat anlo (lapen Israel arat atum halatum aphan Joshua kethak ateng pen kechepahemphu-toi,

⁸lake inglong ajo, lapen kangdai ajo alongle, Arob alongle, arlengjir ajo alongle, kejejangtang ajo alongle, lapen Negeb alongle, Hitti atum, Amor atum, Kanaan atum, Perizi atum, Hivi atum lapen Jebusi atum alonglelo.):

⁹Jeriko arecho inut, la Bethel adung, Ai arecho inut,

¹⁰Jerusalem arecho inut, Hebron arecho inut,

¹¹Jarmuth arecho inut, Lakish arecho inut,

¹²Eglon arecho inut, Gezer arecho inut,

¹³Debir arecho inut, Geder arecho inut,

¹⁴Hormah arecho inut, Arad arecho inut,

¹⁵Libnah arecho inut, Adullam arecho inut,

¹⁶Makkedah arecho inut, Bethel arecho inut;

¹⁷Tappuah arecho inut, Hepher arecho inut;

¹⁸Aphek arecho inut, Lasharon arecho inut;

¹⁹Madon arecho inut, Hazor arecho inut;

²⁰Shimrom-meron arecho inut, Akshaph arecho inut;

²¹Taanak arecho inut, Magiddo arecho inut,

²²Kedesh arecho inut; Karmel along Jokneam arecho inut,

²³Naphathdor along Dor arecho inut, Galili along Goiim arecho inut,

²⁴Tirzah arecho inut: Pangrumpet bang thomkep ra inut arecho atum aphan paremlo.