Read Karbi JOSHUA 13 Bible Online

JOSHUA 13 - Karbi bible

JOSHUA 13

¹Joshua sartang-lo, lapen arta dotang-lo; lapen alangliphan HEMPHU pulo, “Nangli sartang-lo lapen arta dotang-lo, kecherai nangji alongleke do-olang.

²Kecherai nangji alongle lahei helo: Philistia atum alongri kedo-an, lapen Geshur atum alongle kedo-an

³(lake Shihor, la Ijip anihang anat, Ekron atum ahoi anirep anat, lake Kanaan atum alongle pusi puhur; hadak bangpho Philistia arecho dolang, halatum ke Gaza, Ashdod, Ashkelon, Gath, lapen Ekron, lapen Avim atum,)

⁴latum nitur anat Kanaan alongle adang anlo, lapen Mearah lake Sidon aso atum alongle, Aphek anat, ha Amor atum ahoi anat an

⁵lapen Gebal atum alongle, lapen Lebanon kedo-an, la arni kevang anat-lo, Baalgad pen arum Hebron along pen ha Hamath kelutdam atovar anat an,

⁶Lebanon pen inglong ajo kedo pen ha Misrephoth-maim, lapen Sidon asor antalo. Israel atum amek angden pen Ne methang amatsi halatum aphan arphlung pipo, muthe Israel atum kechepahemphujile halatum aphan longle thaknon, la Ne nangphan hukum nangkepi ateng-lo.

⁷Non lasi, laso alongle khei sirkep lapen Manasseh abeng akhei aphan kechepahemphujile thaknon.”

⁸Manasseh abeng akhei atum lapen Reuben akhei, Gad akhei atum amethang apharman longle long-lo, lake Moses si latum aphan kepilo, ha Jordan anihang anat, HEMPHU aban Moses si latum aphan kepilo:

⁹Aroer pen, lake Arnon arlok ano, lapen arlok angbong arongsopi, lapen Medeba aphuchong aklam ha Dibon an;

¹⁰lapen Amor arecho arongsopi-heihei, la Heshbon alongsi pangrilo, lapen ha Ammon atum ahoi an;

¹¹lapen Gilead, lapen Gashur lapen Maakath alongri an lapen Hermon Anglong kedo-an, lapen Bashan kedo-an ha Salekah anat an;

¹²Bashan along Og arecho adet an, la Ashtaroth lapen Edrei kepangri abang-lo (Rephaim atum angbong la inutsi ahin do chot-lo); lahei Mosessi paremdet-lo lapen ke phlung-et-lo.

¹³Seta Israel atum Geshur mate Maakah atum aphan phlung-et-esi pini arni anta halatum angbong padolongbomlo.

¹⁴Levi akhei atum aphan Moses longle pipechot-lo; Israel a-Arnam HEMPHU aphan kephrin athok-heihei helo halatum kechepahemphuji apharmanlo, lake alangli kepu tang ateng-lo.

¹⁵Reuben akhei atum ahemtun-heihei atengsi Moses latum aphan apharman alongle pilo.

¹⁶Lasi latum ahoike Aroer pen, lake Arnon arlok angchun pen, lapen arlok chitim along kedo arongsopi an, lapen Medeba anglong aklam an;

¹⁷Heshbon pen penlo lapen inglong aklam along kedo-an arongsopi-heihei talo; Dibon, Bamoth Baal, Bethe-baal-meon,

¹⁸Jahaz, Kedemoth, Mephath,

¹⁹Kiriathaim, Sibmah lapen Zereth Shahar la arlok aphuchong along,

²⁰lapen Beth-Peor, lapen Pisgah a-arlengjir, lapen Beth Jeshimoth,

²¹lake inglong aklam ajo arongsopi-heihei kedo-anlo, lapen Heshbon along kepangri Amor arecho Sihon adet an, laphan lapen Midian ajalin atum, Evi, Rekem, Zur, Hur lapen Reba latum Sihon arechoso atum aphan Moses paremdet-lo. Latum halahei alongle alongsi kedo atumlo.

²²Balaam, la Beor asopo, sangkelang abang aphanta akaprek atum pen pen Israel aso atum anokjir pen pathirap-lot-lo.

²³Lapen Reuben arat ahoike Jordan aroi helo. Lahei ke Reuben akhei atum ahemtun adon ateng pen arong lapen arongsopi-heihei kechepahemphutoi alonglelo.

²⁴Gad atum ahemtun adon ateng pen latum kechepahemphu jisi Moses latum aphan apharman longle pilo.

²⁵Latum alongri ke Jazer, lapen Gilead arongsopi, lapen Ammon atum ebeng alongle ha Aroer an la ke Rabbah anihang anlo,

²⁶lapen Heshbon pen Ramath-mizpeh lapen Betonim an, lapen Mahanaim pen ha Debir alongri an,

²⁷lapen Beth-haram arlok, Bethnimrah, Sukkoth, lapen Zaphon, lapen Heshbon arecho Sihon adet anlo lapen Jordan ke ahoilo, lapen ha arum Chinnereth atalo kangdai an, nihang anat Jordan apar an.

²⁸La helo Gad atum latum ahemtun adon ateng pen kechepahemphu arong lapen arongsopi-heihei alonglelo.

²⁹Lapen Manasseh ebeng akhei atum aphanta Moses longle pilo; lahei Manasseh ebeng akhei atum halatum ahemtun lapen adon-heihei atengsi pilo.

³⁰Latum alongri ke Mahanaim pen, Bashan soding, la Bashan arecho Og adet kangthim an, lapen Jair lake Bashan along arong kedo-an, lapen rongsopi throk-kep anta,

³¹lapen Gilead achitim, lapen Ashtaroth, lapen Edrei, lake Bashan along Og adet arongsopi-heihei; hadak Manasseh asopo Makir lapen la ahemtun adon-heihei Makir ebeng akhei aphanta longle apharman pilo.

³²Lahei helo Moab aklam along Moses kethak alonglelo, la Jordan anihang apar Jeriko an.

³³Bonta Levi akhei aphan ke Moses kechepahemphuji aphan longle pipelo. Israel a-Arnam HEMPHU helo halatum chepahemphupo, lake halatum aphan keputang ateng-lo.