Read Karbi JOSHUA 16 Bible Online

JOSHUA 16 - Karbi bible

JOSHUA 16

¹Nitur ahoi alongle ke Joseph aso-asu aphansi thak-lo, la Jordan pen Jeriko adung nihang Jeriko alangjeng an lapen ha kejejangtang ajo an damlo. La Jeriko pen arludamsi inglong alongri ha Bethel an damlo.

²Bethel pen la Luz damsi Ataroth Addar hadak Arki kedo adim anta par-et-lo.

³La ansi nichi Japhlet alongri anat damsi Beth-Horon aber ahavar ledamlo. La dambomsi Gezer anat lelo lapen Mediterran Atalo along jutkok-lo.

⁴Joseph aso-asu lake Ephraim akhei, lapen Nichi a-Manasseh atum laso alongle halatum cherai long-lo.

⁵Ephraim ahem-asangho atum alongle lahei helo: Halatum ahoi Ataroth Addar pen nihang anat damsi Beth-Horon Athak lelo.

⁶Lapen hadak pen Mediterran Atalo anat damlo. Mikmethath ke halatum anirep-lo. Hadak nihang ahoi Taanah Shiloh anat suilo lapen dambomsi Janoah anihang anat la damlo.

⁷La ansi Janoah pen aber hirsi Ataroth lapen Naarah damsi Jeriko lelo lapen Jordan along jutkok-lo.

⁸Nichi ahoike Tappuah pen Kanah alangjeng anat dambomsi Mediterran Atalo along jutkok-lo. La helo Ephraim akhei ahem-asangho atum aphan halatum pachepahemphutoi alonglelo,

⁹laso along ajehak arongso lapen arong-heihei Manasseh ahoi arlo dolo, bonta Ephraim asor aphan pidet-lo.

¹⁰Bonta halatum Gezer along kedo Kanaan aso aphan phlungphledet-lo. Lasi nonpu anta Kanaan aso atum Ephraim aso angbongsi dobomlang, bonta ban atum asonsi halatum aphan kam paklemtoilo.