Read Karbi JOSHUA 19 Bible Online

JOSHUA 19 - Karbi bible

JOSHUA 19

¹Adunthu ke Simeon akhei ahem-asangho atum aphansi longle thak-lo. Latum alongle ahoike Judah akhei aphan kepek alongle an lelo.

²La Beersheba, Sheba, Moladah

³Hazar Shual, Balah, Ezem,

⁴Eltolad, Bethel, Hormah,

⁵Ziklag. Beth Leboath, lapen Hazar Susah,

⁶Sharuhem anta parloponlo: Halatum adung arei arongso pen pen rongsopi rong krekethom dolo.

⁷Hadak Ain, Rimmon, Ether lapen Ashan: Halatum adung arei arongso pen pen rongsopi rong phli dolo.

⁸La Baalath Beer (mate Ramah) nitur arongsopi-heihei kedo-an ta parlopon-et-lo. La helo Simeon akhei ahem-asangho atum kecherai alonglelo.

⁹Judah aphan kethak alongleke kenangsot apar themuchot apotsi ephlak ke Simeon akhei aphan pidet-lo.

¹⁰Kethom angdeng ke Zebulun akhei ahem-asangho atum aphan si longle thak-lo. Halatum kechodengdun alongle Sarid anat anta ledamlo.

¹¹Hadak pen ahoi Dabbesheth lapen nihang a-Jokneam alangjeng paphoponsi Marala anichi anat damlo.

¹²Sarid parai kaprek anat la Kisloth Tabor anihang ahoi anat damsi Daberath lapen Japhia anat arludamlo.

¹³La nihang anat dambomsi Gath Hepher lapen Ethkazin lapen Rimmon atovar Neah anat suisi damlo.

¹⁴Nirep ahoi ke Hannathon anat suilo lapen Iphtahel a-Arlok along jut damlo.

¹⁵La Kathath, Nahalah, Shimron, Idalah, lapen Bethlehem anta parloponlo: Lahei adung arei arongso pen pen rongsopi rongkrehini dolo.

¹⁶Lahei arongsopi lapen arong-heihei ke Zebulun akhei ahem-asangho atum aphan kechepahemphutoi alongle alongsi dolo.

¹⁷Phli adun ke Issakar akhei ahem-asangho atum aphan si longle thak-lo.

¹⁸Latum alongri ke Jezreel, Chesulloth, Shunem,

¹⁹Hapharnaim, Shion, Anaharath,

²⁰Rabith, Kishion, Ebez,

²¹Remeth, Engannim, Enhaddah, lapen Bethpazzez anta parloponlo.

²²Ahoi ta Tabor, Shahazumath lapen Beth Shemesh paphoponsi Jordan along jut damlo. La halahei adung arei arong pen pen rongsopi krethrok dolo.

²³Lahei arongsopi lapen arong helo Issakar akhei ahem-asangho atum amethang aphan kechepahemphu alonglelo.

²⁴Pho adun ke Asher akhei ahem-asangho atum aphansi longle thak-lo.

²⁵Laso alongri Helkath, Hali, Beten, Akshaph,

²⁶Allam Melek, Amad lapen Mishal anta parloponlo. Nichi anat la Karmel lapen Shihor Libnath paphoponlo.

²⁷Nihang anat la suisi Zebulun lapen Iphtahel Arlok la Bethemek lapen Neiel anirep atovar anat paphoponsi Bethdagon anat ahoi damlo. La nirep pen Kabul anat dambomsi,

²⁸Ebron, Rehob, Hanmon, Kanah lapen ha Sidon ajak keding anta lelo.

²⁹Ahoi Ramah anat suisi keparponghet rongsopi Tair ledamlo, ansi la Hosah anat suisi Mediterran Atalo along jut damlo. La Mahalab, Akzib,

³⁰Ummah, Aphek, lapen Rehob anta parloponlo. Halahei adung arei arong-heihei pen pen rongsopi rong ingkoira hini dolo.

³¹Lahei arongsopi lapen arongso-heihei kechepahemphu alongle along dolo.

³²Throk angdeng ke Naphtali akhei ahem-asangho atum aphan si longle thak-lo.

³³Laso ahoi Heleph pen Zaanannim, Adaminekeb, Jamnia, Lakkum anat lapen Jordan along jutkok-lo.

³⁴Hadak ahoi nichi pen Aznoth Tabor anat suilo, hadak pen Hukkok anat damsi nitur anat Zebulun anichi anat Asher lapen nihang anat Jordan paphoponlo.

³⁵Aphi kedo arongsopi ke Ziddim, Zer, Hammath, Rakath, Chinnereth,

³⁶Adamah, Ramah, Hazor,

³⁷Kedesh, Edrei, Enhazor,

³⁸Yiron, Migdalel, Horem, Bethanath, lapen Beth Shemesh helo: Lahei adung arei rongso-heihei pen pen rongsopi rong kresirkep dolo.

³⁹Lahei arongsopi lapen arongso helo Naphtali akhei ahem-asangho atum kechepahemphu alongle arlosi dolo.

⁴⁰Throksi angdeng ke Dan akhei ahem-asangho atum aphansi longle thak-lo.

⁴¹Laso ahavar ke Zorah, Eshtaol, Irshemesh,

⁴²Shaalbim, Aijalon, Ithlah,

⁴³Elon, Timnah, Ekron,

⁴⁴Eltekeh, Gibbethon, Baalath,

⁴⁵Jehud, Beneberak, Gathrimmon, Baalath,

⁴⁶Mejarkon, lapen Rakkon lapen Joppa araikom alongri anta parloponlo.

⁴⁷Dan arat atum longle kedorde ahut, halatum Laish damsi la tengkheng-lo. Latum la cheraisi la arat aphan pathilo lapen la amethang pu chepulo. Latum hadak dosi rongsopi amen Laish pen Dan pu halatum aphusar amen ateng irlo.

⁴⁸Lahei arongsopi lapen arongso ke Dan akhei ahem-asangho atum aphan kepacherai alongle alongsi dolo.

⁴⁹Israel arat atum longle kechethak jutdet aphi, halatum Nun asopo Joshua aphan la amethang kepacheraijisi longle ephar pilo.

⁵⁰HEMPHU hukum kepi atengsi halatum la aphan la kehang arongsopi ateng pilo: Lahei ke Timnath Serah, Ephraim anglong alongri along pilo. La rongsopi chekimthusi hadak dolo.

⁵¹Eleazar kurusar Nun asopo Joshua lapen Israel akhei ahemtun ajalin atum lahei alongle khadot pen ajoksi Shiloh along HEMPHU apehem athengno HEMPHU aphan arju pensi longle chethak-lo. Lasonsi latum longle kechethak pajutdet-lo.