Read Karbi 2 THESALONIKA 3 Bible Online

2 THESALONIKA 3 - Karbi bible

2 THESALONIKA 3

¹Kejutsi, korte marli atum, Hemphu alam nanglitum angbong kechethang asonthotsi bithe bitha adimta la ansose kechethangji lapen anong pathesi kedengbomji aphan,

²lapen dhorom kave lapen kehingno atum arideng pen nelitum kejokji aphanta nelitum aphan Arnam ne-ardompitha; pima la kepachethang alam kadokavele kekroipet kali.

³Bonta Hemphu-ke kekroi thirklong abang-lo. Alangli nanglitum aphan jakong nangpiji lapen Kehingno a-Bang arideng pen nangraiji.

⁴Hemphu nelitum aphan ning nekepathe pen ajok nelitum nanglitum aphan ning nangchetheklong-lo; lapen nelitum nangkethan atengsi nanglitum do-thakbomlo, lapen lasonsi do-thakbomji pusi nelitum ning thelo.

⁵Nanglitum Arnam akanghon kechiniji lapen Khristo asonthak thak kechechakthekji aphan Hemphu nanglitum aning pajaponnang.

⁶Korte marli atum, nelitum Hemphu Jisu Khristo amen pensi nanglitum aphan hukum pilo, Kam keklem keselet lapen nelitum kethan ateng kedode atum pen nanglitum chepahelonon.

⁷Nanglitum nelitum along nangcharlidun nangji puke nanglitum chinipamelo. Nelitum nanglitum angbong kedo ahut nelitum selet-ledet-lo.

⁸Nelitumke nanglitum akhi adat nangchopi pajoije, bonta nelitum ke kam klem chepaduk-lo. Nanglitum angbong badu aphanta nangkepasungse-detjisi nelitum ajo anerlota kam choklemlo.

⁹Nelitum akerap kelongji aron ave apotsi nelitum lason kam choklemlo, lapu kali, bonta nelitum along nangke-pacharlidunji aphan nanglitum aphan kepaklangjisi nelitum lason klemlo.

¹⁰Nelitum nanglitum angbong kedo ahut nanglitum aphan labangso alam nangpu pulo, “Mane abang jongsi kam keklemji aning hanghe tangte alangli pachochedetnang.”

¹¹Pima nanglitum angbong manene atum ke selet-o, thangta klemklesi bang alam kemathadun-jongjongchot, papengpongchot pusi nelitum arjulong-lo.

¹²Lason amonit atum papengpongpera amethang kechoji aphan kam pachoklemnang pusi nelitum halatum aphan aning parung-lo lapen pu pasodak-lo.

¹³Korte marli atum, kam keme keklem lak-ledetnon.

¹⁴Komane abang ke labangso aloh along ketok alam kroikredetji tahai. Jongsi lason amonit do tangte nanglitum labangso abang aphan pangthek pamenon, lapen alangliphan kepatherakjile alangli pen chelangrinon.

¹⁵Bonta alangliphan hotur ason ke klemri, bonta korte asonle mathara alangliphan than-parenon.

¹⁶Ning kangsam ekepi abang, Hemphu amethangle nanglitum aphan kaiketa lapen kam aling alongta ning kangsam nangpapinang. Hemphu nanglitum kadokave along padonang.

¹⁷Neli Polsi nelimethang ari pen labangso kardom kechepi alam tok-lo, lapen lake neli ketok aloh angthek-lo. Neli ketok lapuson helo.

¹⁸E-Hemphu Jisu Khristo akang-jinso nanglitum kadokave along padonang.