Read Karbi 1 TIMOTHI 2 Bible Online

1 TIMOTHI 2 - Karbi bible

1 TIMOTHI 2

¹Tangte aphrangsi neli choningrilo, ilitum Arnam anong kepathe long lapen athikpet a-ot pen do longsi thang kehorisei kavedet pen lapen ingsamjin pen kedo longji aphan kadokave amonit aphan,

²atheke, recho atum lapen ajakong kedo atum an aphan Arnam angno choningripinon, ardom pinon, hangpinon lapen Arnam aphan kero pinon.

³Lake mesen lapen ekepajok a-Arnam aphan aning padok-lo.

⁴Kadokave amonitta kejok kelongji lapen ahok alam kechinijisi Arnam aning hang-lo.

⁵Thangbakma Arnam ke inutnat, lapen Arnam lapen monit angbong kedo abangta inutnat, labangso amonit ke Jisu Khristo helo,

⁶kadokave aphan kepajokji aphan alangli amethangsi anam ason chepidet-lo. Kadokave atum kejok kelongjisi Arnam aning hang-lo pu athik apor ahut kepi aporman la helo.

⁷Lasi kekroi alam lapen ahok alam kepachethangji aphansi neliphan ketoitang abang lapen Jihudi kalidet atum athanbang nebat-lo. Neli chobeibe, neli ahoksi pulo.

⁸Tangte neli ning kehang lahelo, pinso atum aning kethi lapen alam keche hili avedetsi, kangthir ari chi-rungsi Arnam ardom nangji.

⁹Lasonsi arloso atumta akeme aketherakju lapen aning keme pen a-ot kedojot ape chepindeng nangji; chu kechebu, ser kalite mukut-abor lapen ador keso apindeng en nangnelo,

¹⁰bonta Arnam aphan pherelo pu kechekrong arloso atum kechelon akam keme hei hei pensi chepindeng nangji.

¹¹Arloso atum dojoira asotdut pensi charli nangji.

¹²Arloso atum pinso atum aphan kethanji lapen pinso atum aphuthak ajakongta kedoji aphan neli hukum thothe; halatum dojoi nangji.

¹³Thangbakma Adam aphansi pinchong paphrang-lo, aphisi Iv aphan pinchong-lo.

¹⁴Lapen Adam hala kechobei alam kroidunlo, lapu kali, halabangso arlososi kroidunsi Arnam Aron ingdilo.

¹⁵Bonta inut arloso kematha keme pen dora kekroi thirklongbom lapen kanghon lapen kangthir angbong dobomlote osomar amahang kepathek pen ajok alangli kejok longji.