Read Karbi 2 TIMOTHI 2 Bible Online

2 TIMOTHI 2 - Karbi bible

2 TIMOTHI 2

¹Tangte neli sopo, nanglike Khristo Jisu pen kechelangpet pen ajok kelong akangjinso pen jakong chepangtang-rak non.

²Anut kaprek atum aphan kethan thekji, lason kekroithirklong amonit atum aphan nangli, neli ake-ongpi atum angno kepachethang, nangli nangkar-judunlong alam hei hei hodainon.

³Khristo Jisu apolton keme ason thakthak-le nangli kesung chechaknon.

⁴Polton akam keklembom abang polton kalidet akam klemdunde, pima alangliphan hukum kepi apolton aning kepadokjisi alangli aning hangver.

⁵Kekat kechebai aron ateng penle kat patangdundete kekat kechebaidun abang nong-e longle.

⁶Sai ketiki kechepaduk abangsi athe long paphrang nangji.

⁷La neli keningje alam mathanon, pima Hemphu nangliphan la kadokave kechini unji ajakong nangpiji.

⁸Kethitang atum angbong pen kethur a-Jisu Khristo aphan chematha-thunon. Neli kepachethang a-Birta Keme along kethan ason thak-thaksi alangli ke David asulo.

⁹Birta Keme kepachethang apotsi neli kesung phonang-lo, lapen kehingno akam keklem abang aphan asonthak-thaksi neliphan ingchin ani penta kokdet-lo. Bonta Arnam alam aphan ke kokke.

¹⁰Lahelo Arnam kangvaitang amonit atumta Khristo Jisu pen ajok kevang akejok longsi kejut un-e adak-atur kevanji aphansi neli halatum aphan ajok kadokave asonta chechakbomlo.

¹¹Labangso kepu alam ahok: “Ili jongsi alangli long thiduntang-lo tangte, ilitumta alangli long rengdunji.

¹²Ili jongsi kesung chechakbomlo tangte, ilita alangli long rat pangridunji. Ili jongsi alangliphan Hemphu pu chekrongkre tangte, alanglita ilitum aphan amethang amonit pu chekrongkredetji.

¹³Ilile kekroi thirklongkle setta, alangli ke kekroi thirklongbom, pima alangli amethang aphan chechobei un-e.”

¹⁴Nangli nanglimethang amonit atum aphan labangso alam pachema-thathunon, lapen lam chedanri pura halatum aphan Arnam angno hukum pinon. Lake thang ale ave, bonta karjudun atum aphan phangnochot.

¹⁵Amethang keklem akam apot ketherak nangnedet lapen Arnam ahok alam kethan kepachok pame abang ason thakthak-le, nangli Arnam aning kepadokjile un-an bor-inon.

¹⁶Bonta dhoromime lapen thangbakbe alam kechingkithap pen chepahelonon. Thangbakma, lason lam kechethantap pen ajok monit atum dhoromime akam klem muchotpo.

¹⁷Lason kethan alam ke kepame un-edet, kekhaibom areng amek ason thakthak-lo. Latum angbong Haimenaeus lapen Philetas talo.

¹⁸Latum ahok atovar pen suitang-lo, lapen kethitang atum angbong pen ilitum akethur plang-ettang-lo pu thansi manene atum akekroi phangnolo.

¹⁹Bonta Arnam ke-e kethirklong ahemthur aphan padoidai un-e, lapen labangso athak lahei hei alam ketok dolo, “Hemphu amethang amonit atum aphan chechini” lapen “Hemphu amonit pu kechepu abang aling kehingno akam pen chepahelo nangji.”

²⁰Ehum thedung ahem arlo ser lapen rup aphule, harlung hei heisi dochot, lapu kali, bonta thengpi lapen longle aphule hei heita do; ason pen ason aphule, harlung ke aman kedo akam aphan lapen ason pen ason aphule, harlung ke aman kave akam aphanlo.

²¹Mane abang jongsi la kehingno akam pen chepangthir lote alangli ke aman kedo akam keklem-i ajotonpo, pima alangliphan Hemphu akam aphan panongtang-lo, lapen alangli ke Hemphu akam keklem-i mesen abang, kam keme an kepaklem-iji aphan kechesikding abang plangpo.

²²Riso ahut aning kehang akehingno hei hei che-ora Hemphu aphan aning ingthir-et pen kechoningri atum pen pen dhoromipet, kekroi, kanghon lapen ningkangsam aphan hungnon.

²³Bonta kelu lapen thangbakbe alam kechedanthap pen chepahelonon, pima nangli chinilo, lason alam ke kechebohong paplang.

²⁴Hemphu aban atum chebohong nangne, bonta kadokave atum aphanta chingki mesen nangji. Alangli kethan abidi do nangji, lapen aning dingjin nangji.

²⁵Alangli pen lam kechedan atum aphan alangli asotdut a-ot pen pakeng nangji, thangbakma Arnam halatum aphan aning pachiruisi halatum ahok chiniji tahai.

²⁶Ansi halatum akeme mathaji lapen Hi-i Sarpo apham pen jokji. Labangso a-Hi-i Sarpo halatum aphan nepsi alangli methang aning kehang akam kepaklemji aphan alam pakroilo.