Read Karbi 2 TIMOTHI 3 Bible Online

2 TIMOTHI 3 - Karbi bible

2 TIMOTHI 3

¹Bonta labangso alam chini iknon, kejut arni hei hei ahut kesung doji.

²Monit atum amethang methang aphan kechinghon, tangka kehung, kechepindak, ane kechepathe atum cheplangji, api apo atum alam kroikreji, kelongtang amar apotta roredetji, ingthirthedetji;

³halatum kediya avedetji, ingjinsosedetji, sorsarji, jakong pen thurji, ajat-langnopikji, akeme aphan aningdokdedetji;

⁴kerapdun abang aphan ahotur cheplangji, Arnam aphan apar kerengmejirji aphan aning dokmunakji,

⁵halatum dhoromi ason cheparjanji, bonta dhorom ajakong dengdedetji. Nangli lason amonit atum pen chepahelonon.

⁶Halatum angbong penang atum monit atum ahem ahem damsi hala amethang methang apap anghor keplengset lapen kaprek kaprek aning kehang ason an anat kepondet, akelubai arloso atum aphan beirupji.

⁷Labangso arloso atum kaiketa kecharliji aphan bor-i bomlo setta ahok alam chini un-e.

⁸Jannes lapen Jambresle Moses aphan kekhang ason thak-thaksi labangso amonit atumta ahok aphan khang-lo. Labangso amonit atum aning hingno, lapen akekroita ahok kali.

⁹Bonta halatum lason cheplang longpik-pelo, pima Jannes lapen Jambres atum ason thak-thaksi halatum akelu kadokave atum angno klangji.

¹⁰Bonta nanglike neli kethan alam, neli-ot, nelidur, neli keklem athe, neli akekroi, neli ning keding, neli akanghon, neli kesung kechechak,

¹¹neliphan kechenek, lapen neli kesung kepho alam hei hei chinilo. Antiok, Ikoniam lapen Listra arongsopi along neliphan keplangtang ason an, atheke neli kepherememe akechenek kechechak alam nangli chinilo. Bonta Hemphu neliphan lahei hei kadokave pen pajok-lo.

¹²Khristo Jisu pen chelangpetsi dhoromipet pen kedoji aning kehang atum an aphan ke chenekji, lake ahok.

¹³Bonta kehingno lapen kechomosoi amonit atum ke hingno muchot muchotbomji, anut kaprek atum aphan chobaiji lapen amethangta chechobaiji.

¹⁴Bonta nanglike, nangli kecharlitang lapen kekroipametang ahok alam angkangle dobomnon. Pima nangli mat pensi lahei hei charlitang-loma,

¹⁵lapen Khristo Jisu aphan kekroi pen ajok kejok kelongji abidi kepithek a-Hastro kangthir alam nangli kopusonsi bihek ahut pen chiniloma, lake nangli chinilo.

¹⁶Arnam pen ajoksi monit atum Hastro alam an paklang-lo,

¹⁷lapen Arnam akam keklem atum akeme akam an keklemji agian lapen abidi kedoji aphan lake ahok alam kethanji, kangchekji, a-ot adur kepakengji lapen dhoromipet alam kethanji aphan ale do.