Read Karbi IBRI 2 Bible Online

IBRI 2 - Karbi bible

IBRI 2

¹La apotsi ili karjulongtang ahok alam along pen ili kanglang ponpedetji aphan la karjulongtang alam hei hei aphan matha pame nangji.

²Sining apherangke atum pen ajok ephusar atum aphan kepu alam ke ahokpet alamlo, lake klangdak-lo; lapen labangso alam kepatepek lapen kekroikre abang ke kepho nangji akesung pholo.

³Tangte ilitumta la an akethe akejok alam patepek lote kopusi kesung pen jokthekjima? Hemphu amethangsi labangso akejok alam pachethang paphrang-lo, lapen labangso alam ke ahok pusi alangli lam karjulong atum ilitum aphan pachinilo.

⁴Arnam amethang amatta angthek kethe hei hei pen, kam kethe hei hei pen, kemanghumeme akam hei hei pen lapen amethang aning kehang ateng Karjong Kangthir adan hei hei kepi pen labangso alam ke ahok pu ahaki chodunlo.

⁵Arnam ke sining apherangke atum aphanle mo kevangji apirthe, atheke nelitum kepudam apirthe kepangri abang kebat kali.

⁶Bonta hastro konatne adim pulo, “Oh Arnam, monit-le kopima! nang alangphan kopi athesi matha nangjima? Mate alang ke monit asochot-le nang alangphan kopi athesi lang nangjima?

⁷Nang alangphan malomso ahut an aphan sining apherangke atum apar pabimuchot-lo. Nang alang phuthak adak atur lapen aman avaikang kup-lo.

⁸Lapen nang kadokave anta alangli keng arum bilo.” Arnam kadokave anta monit abersi bilo apotsi alangli ber kedode ason ke thangta avelo. Bonta non amat ke kadokave ason alangli ber kedo ili thek-longle lang.

⁹Tebonta ilitum Jisu aphan thek-long-lo. Arnam akangjinso pen ajok alangli kadokave apharman kethi nangji aphansi alangli phan malomso ahut an sining apherangke atum apar pabimuchot-lo. Bonta alangli keduk kesung kechechak pen thilo apotsi nonke alangli phuthak adak atur lapen aman aphukup avaikang kup-lo.

¹⁰Arnam, atheke kado-kave kepinchong lapen kepadobom abang, asomar ake-ongpi atum aphan alangli dak atur kepalongjisi, Jisu keduk kesung kechechak pen apot alangliphan kechok-lim abang kepaplang ke kechokpame akamlo. Pima halatum kejok kelongji aphan kejalin abang ke Jisu helo.

¹¹Pima kepangthir abang lapen kangthirtang atum a-Po ke inutnat-lo. Lasi Jisu halatum aphan korte pu kechekam therak-re.

¹²Alangli Arnam aphan pulo, “Ne korte atum angno ne nang men pachethangpo, halatum kechingrum amei along ne nangphan ro archopo.”

¹³Lapen alangli pulo, “Ne Arnam aphansi chikipo.” Lapen alangli puthulo, “Langtha, ne lapen Arnam nekepitang asomar atum ladaksi do.”

¹⁴Hala asomar atum ke ok lapen vi amonitchot apotsi Jisuta halatum asonthot cheplangsi monit a-ot adur enlo. Alangli kethi pen ajok hala kethi aphuthak ajakong kedo a-Hi-i Sarpo aphan ajakong kepavedetji,

¹⁵lapen kethi aphan kephere pen ajok akai arjon ban asonthak thak kedobom atum aphan kepajokphlotji aphansi alangli lapuson klemlo.

¹⁶Pima alangli sining apherangke atum aphanle kerap kali, lake klangdak-lo. Bonta hastro along ketok asonthotsi, “Alangli Abraham aso asu atum aphansi kerapdun.”

¹⁷Lasi monit atum apap hei hei kepakakjisi alangli ke Arnam aphan keklempi, kangjinsothek lapen kekroi thirklong a-Kurusar Kethenei keplangjisi ajat asonta amethang akorte atum ason cheplang nangkok-lo.

¹⁸Alangli methangta asat lapen keduk kesung pholo apotsi nonke alangli keduk kesung kepho atum aphan rapdunthek.