Read Karbi IBRI 5 Bible Online

IBRI 5 - Karbi bible

IBRI 5

¹Pap hei hei pen apot amethang amonit atum apharman Arnam aphan kepangdukjisi, atheke athok ajir lapen dan hei hei kepapijisi anut-tin a-Kurusar Kethenei aphanta amethang akhei amonit angbong pen ingvaisi akam bat-lo.

²Alangli methang amatta penang ason ke akechokche akelele dokok apotsi hala kechinine pen apot akelet kedo atum aphan alangli kangjinso pen langpon thek.

³Alangli methangta kechokche kelele dokok apotsi monit atum apap apotchot kali, amethang apap apotta alangli athok ajir thok nangkok-lo.

⁴Badutame, amethang ke Kurusar Kethenei chepaplang un-e. Aaron aphan asonthak thaksi Arnam kepha pen apotsi inut aphan Kurusar Kethenei akam kebat.

⁵Lasonthak thaksi Khristota ame-thangle Kurusar Kethenei abang kechepaplang kali. Bonta Arnam alangliphan pulo, “Nang ke ne-Sopolo, pini ne nang-Po plangtang-lo.”

⁶Lapen along kaprek adimta alangli pulo, “Nang ke Melkizedok akurusar asonthak thak kejut un-e akai anta kedover akurusarlo.”

⁷Jisu pirthe athak kedo ahut alangli-phan kethi pen kepajokthek a-Arnam aphan kechiru ase kepathe pen lapen mekkri mek-lang pensi choningrilo. Lapen alangli ke kechepabihek pen Arnam arideng kechehodai apotsi Arnam alangli kechoningri arjulo.

⁸Alangli ke Arnam a-Sopolo setta keduk kesung kechechak pen Arnam ahukum kekroi kriji charlilo.

⁹Alangliphan pachok lim aphi alanglita alangliphan kekroi atum an aphan kejut un-epin akejok kepalongpi abang cheplang-lo.

¹⁰Lapen alangli ke Melkizedok asonthak thak a-Kurusar Kethenei abang-lo pusi Arnam pudak-lo.

¹¹Labangso alamjir kepu nangji alam do-olang. Bonta nanglitum chinitong thekthedet apotsi nanglitum aphan kethan pachinidakji sungkrung.

¹²Non anke nanglitum bang atum aphan thanthek nangji apot-lo, bonta non anta nanglitum aphan Arnam alamthe kecheng alam hei hei nang kethan abang do nangjilang. Nanglitum non anta an kangtang kali, moklangsi kenangjilang.

¹³Mok kechu abang aling ke non anta osoheklang, keme kehingno chininelang.

¹⁴An kangtang ke arta kedo, atheke abe kechinghoi pen ajok keme kehingno kepharthek atum aphanlo.