Read Karbi IBRI 6 Bible Online

IBRI 6 - Karbi bible

IBRI 6

¹Tangte ili Khristo alamjir kecheng alam hei hei ke bikokra akarsik alam hei heile langdam lonang. Ale kave akam hei hei pen ning kecherui, Arnam aphan kekroi,

²baptisom ke-en, bang aphu athak ri kebat, kethitang atum akethur lapen kejut un-e akai an aphan ado kepado akangsai hei hei alam ke ili chethandam-thubom nangnelo.

³Lapen Arnamle bida thote ilitum lasonle klemlonang.

⁴Kekroi keche-o atum aphan ke kopusi aning pachiruithu unjilangma? Pima ahut isi ke halatum Arnam akethe-ang angkangsi dolo, Arnam kepi adan chomatdun long-lo lapen Karjong Kangthir longdunlo:

⁵Arnam alam ke mesen, lake halatum chomat long-lo, lapen mo kevangji akai ajakongta halatum chomat-longtang-lo.

⁶Lapu an aphita kekroi che-obup-lote halatum aphan ke aning pachiruithu un-elo, pima halatum Arnam a-Sopo aphan theng parpan athak sakthubomsi rat angno patherakbomlo.

⁷Pima longle jongsi amethang athak kejang arve alang ingsipsi ketiki-pi atum aphan ale kedo ahan hei hei arong pavangsi pachan lote labangso alongleke Arnam ahirjume long.

⁸Bonta ingsu kethe lapen ingsuso arong pavangrong lote labangso alongleke thangta ningjoinolo. Labangso alongleke Arnam ahirjunosi kelongji, lason akepherememe do, lapen laphan me pachodetji.

⁹Bonta kechinghon atum, nelitum lasonle pu setta nanglitum aphan ke nelitum ning nangchetheklong-lo. Kejok kelong pen ajok keplang akememuchot ason hei hei nanglitum do, lake nelitum chinilo.

¹⁰Arnam ke dhoromimedet abang kali. Nanglitum keklem akam, mate nanglitum kangthir atum aphan keraptang lapen kerapbom akam pen ajok alangliphan kechepaklang akanghon alangli tengnene.

¹¹Nanglitum ning kethedam ason abangphutinta kelong pameji aphan nanglitum kai ateng kejut anta kematha-e pen keklembomjisi nelitum ning hang-lo.

¹²Nanglitum keselet-huiji, lake nelitum ning hanghe, Bonta nanglitum kekroi lapen ning kechepading pen ajok kechaktang ason kelong atum ason kecheplangjisi nelitum ning hang-lo.

¹³Arnam Abraham aphan kechak ahut alangli kechak ateng klemvekji pusi seme tang-lo. Alangli pen apar akethemu abang avedet-lo apotsi alangli amethang amen pensi semetang-lo.

¹⁴Alangli pulo, “Ne nangphan hirjume nangpivekji, lapen nangso nangsu pachanri pachanjaivekji.”

¹⁵Abraham aning chepading-lo, lapen lasi alangli Arnam kechaktang ason long-lo.

¹⁶Pima monit atum ke ame-thang apar kethemu abang amen pensi semetang, lapen labangso aseme pen ajoksi kechebohong chepajut-i.

¹⁷Arnam ke kepathiktang akam kaita chelarle pu alam hala kechaktang ason kechepahemphuji atum aphan kepachinidakjisi alangli seme ketang pensi alam chak-lo.

¹⁸Tangte la sonni kelar un-e alam do, lapen Arnam labangso alam ke chobei un-e. Lasi ili, Arnam along kechepachongdam atum ke, alangli ilitum aphan ning ekepathe ason kelongji aphan ning kechetheklongji ajakong long-lo.

¹⁹Ilitum labangso aning kethe do, lapen lake ilitum akarjong aphan ke telongpi kepasang-i angchin akongvek asonlo. Lake athikpet lapen thirklong, lapen lake sining athak kedo kardom ahemthepi arlo kebeng ape anung anat kedo kangthir adim anta ledam.

²⁰Jisu ke ilitum apharman halabangso akangthir adim dam patenosi Melkizedok asonthak kejut un-e akai anta kedover a-Kurusar Kethenei plangtang-lo.