Read Karbi 2 PITOR 1 Bible Online

2 PITOR 1 - Karbi bible

2 PITOR 1

¹Jisu Khristo aban lapen ketoitang abang, neli Simon Pitorsi labangso aloh nanglitum aphan, atheke e-Arnam lapen ekepajok abang, Jisu Khristo dhoromipet akam pen ajok nelitum ason akekroi kelong atum aphansi tok-lo.

²Nanglitum Arnam lapen Hemphu Jisu aphan kechini pen ajok nanglitum along hirjume lapen ning kangsam nangpa-ong lethotnang.

³Jisu Khristo amethang ajakong pen ilitum kerengji lapen dhoromipet pen kedoji aphan kenangji ason an epitang-lo. Amethang adak atur lapen a-ot keme ekepalongji aphan ekepha abang aphan ilitum kechini pen ajoksi alangli lahei hei ason epilo.

⁴Lapusonsi alangli ilitum aphan kechaktang akethepik lapen adorkesopik adan hei hei epitang-lo. Labangso apirthe athak kedo kepavirdetthek akehingno aning kehang hei hei pen kejokthekji aphansi lahei hei adan epilo.

⁵Lasi nanglitum un an bor-ira nanglitum akekroi along ot keme, lapen ot keme along kechini agian paklangnon.

⁶Nanglitum kechini-ithek agian along ning kecheber, ning kecheber along kechechakthek ajakong lapen kechechakthek ajakong along dhoromi akam paklangnon.

⁷Lasonthak thaksi dhoromi akam along korte atum aphan kechinghon, lapen korte atum aphan kechinghon along kanghonta paklangnon.

⁸Nanglitum jongsi lahei hei a-ot dolo, lapen la hei hei chanbomlo tangte nanglitum e-Hemphu Jisu Khristo aphan kechini pen ajok lake nanglitum aphan paselet-ledetpo, lapen nanglitum keklem akam pen ale do-oji.

⁹Bonta lahei hei kave abang ke keselok lapen tebok-het kedo amar aphansi kechecharchot abang-lo. Alangli aphrang phrang apap hei hei ke kak-ettang-lo pu tengnetang-lo.

¹⁰La apotsi korte marli atum, nanglitum aphan nangkepha lapen nang kangvai ateng kedo kechepathirji aphan bor-i muchot muchotnon. Pima nanglitum lasonle klem lote nanglitum kaita chingkoikedetpo.

¹¹Lapusonsi nanglitum ilitum aphan e-Kepajok abang, e-Hemphu Jisu Khristo kejut un-e arat angbong dodun longpo.

¹²Lasi nanglitum lahei hei alam chinilo setta, lapen nanglitum kelongtang ahok alam atengsi nanglitum thirklong pen dolo setta neli nanglitum aphan kaita lahei hei alam pachemathathupo.

¹³Neli rengtik an nanglitum aphan lahei hei alam kepachemathathu pen ajok nanglitum aphan ning nangkeparung ke kechok pame akamlo pusi neli mathalo.

¹⁴Neli chinilo, neli la kethi undet abang arpum che-odap nangpo, pima e-Hemphu Jisu Khristo neliphan lasonsi nethanlo.

¹⁵Neli damjui aphi nanglitum kaike ahutta lahei hei alam kechemathathuthekji aphan neli nanglitum aphan eson abidi nangkepiji aphan un-an bor-ipo.

¹⁶Pima nelitum nanglitum aphan e-Hemphu Jisu Khristo jakong pen kevangthuji alam nang kethan ahut nelitum methang abidi pen kepin-chong atomo jong jongsi thanlo, lapu kali, bonta nelitum methang amek pensi alangli akethepik adak atur thekdunlong-lo.

¹⁷Atheke Po Arnam pen alangli aman lapen adak atur kelong ahut, atheke kethenei Adak Atur angbong pen ase vangsi alangliphan, “Lake ne kechinghon asopolo, ne alangphan ningdok-o,” pu kepu ahut nelitumta

¹⁸la sining pen kevang ase arjudun long-lo. Pima nelitumta halabangso ahut alangli pen pen kangthir anglong athaksi dolo.

¹⁹La aparta Arnam amontri atum kethantekang akethir muchot alam ilitum do. Nanglitum labangso alam matha-e lote me-opo. Pima lake arni vangvetik an kangting adim keturbong amelur, lapen nanglitum aning arlo keturbong aklirdap atur asonthak thak-lo.

²⁰Bonta kadokave alam apar nanglitum chininon, baduta amethang agian penke hastro along kedo kethanmek alam than pachinidak thekthe.

²¹Pima kethanmek alam ke monit atum amethang aning kehang pen kepudam alam kali, bonta Arnam pen kevang alam halatum keningje ahut Karjong Kangthirsi halatum aphan jalo.