Read Karbi 3 JON 1 Bible Online

3 JON 1 - Karbi bible

3 JON 1

¹Neli mondoli akesarsi nangliphan, atheke neli kechinghon binong a-Gaias aphansi labangso aloh nangtok-lo.

²Neli kechinghon abang, nangli ning kemesen asonthotsi kadokave ason anatta lapen nangli ok nangli pranta kemephunbomji aphan neli Arnam nang ardom pilo.

³Khristian akorte manene atum neli long vangsi nangli ahok pen kedo kethakbom lapen nangli ahok aphan kekroi kethirklongbom alam neliphan nekethan pen ajok neli ning arongparpik-lo.

⁴Neli somar atum ahok angkangsi dobom pu karjulong helo neli ning ke-arongnei alamlo: la pen apar ning ke-arong-i muchotji ason thangta avelo.

⁵Neli kechinghon abang, nangli Khristian akorte atum aphan, jasemet ke nangli kechinine a-Khristian atum aphan keklempi akam ke kekroi atum keklem nangji akamlo.

⁶Halatum nangli akanghon alam ladak mondoli angno thanlo. Halatum tovar kedam ahut nangli Arnam aning kehang asonthot halatum aphan rapdun lote me-opo.

⁷Halatum Khristo akam keklemjisi nangbarlo, lapen halatum Khristian kalidet atum along thangnat akerapta en-elo.

⁸Lasi alanglitum ahok alam kepachethang akam along ili Khristian atumta keklem kecherapdun thekji aphan alanglitum aphan rapdun nangji.

⁹Neli mondoli aphan pathihek pen epak aloh tok-lo, bonta halatum angbong keja abang kecheplangji aning kehangpik abang, Diotrephaske neli kepu alam dengde.

¹⁰Lasi mo neli vang lote, alangli keklem akam, atheke alangli nelitum aphan nekeputot, nekepusit alam an lapen alangli kepacherei alam hei hei neli paklangji. Bonta la anchot ke aning jangremresi alangli Khristian akorte atum aphan chakchelo, lapen kechakji aning kehang atum aphanta pachak longlelo, lapen halatum aphan mondoli angtan kebiji bor-ilo.

¹¹Neli kechinghon abang, nangli kehingno akam ke charlidunri, bonta akeme akamle charlidunnon. Keme keklem abang ke Arnam asolo, bonta kehingno keklem abang ke Arnam thek-longlelang.

¹²Abangphutinta Demetrias aphan rohurlo. Ahok amatta alangliphan rolo. Nelitumta haki chodunlo, lapen nelitum keningje alam ke ahok alamlo, lake nangli chinilo.

¹³Neli nangliphan nangkethanji alam do-olang. Bonta neli nangliphan sibu-alang lapen kolom pen nangkethanji ning hanghelo.

¹⁴Neli nangli pen chetong long dapprangpo pusi neli ning thelo. Anke ilitum chepangnonosi chingki chethan longpo.

¹⁵Nangli long ning kangsam padonang. Nangli jirpo atum an nangliphan kardom nangchepi dunlo. Nelitum ajirpo abangphutin aphan nelitum akardom pi-iktha.