Read Karbi KEPAKLANG 15 Bible Online

KEPAKLANG 15 - Karbi bible

KEPAKLANG 15

¹Ansi sining athak akaprek kelang kemanghumeme angthek kethe neli thek-long-lo; atheke sonthroksi avur-akrem akesung pen kepasungjisi hadak bang throksi apherangke atum dolo. Labangso akesung ke kejutsi akesung-lo, pima lahei hei pensi Arnam aning kethi paplengpo.

²Ansi neli thek-long-lo, hadak me pen kepangvui loji nangnak atalo dolo, lapen hala nampi api lapen labangso api a-arjan lapen amen anombor aphan kehai atum Arnam pen kelong akum hei hei otding dangsi loji atalo akung arjapphrong-lo.

³Halatum Arnam aban Moses alun lapen Biresak a-So alun lunkong-lo: “Oh Hemphu Jakongtheparpik Arnam, kadokave keklem un abang, nangli kam hei hei ke theparpik lapen manghumeme binong! Oh kejut un-e akai anta kedover a-Recho, nangli keklem akam an chok-pame lapen ahok binong!

⁴Nang men aphan kephereredetji, lapen adak-atur kepathethedetji abang komatsi kedoma, O Hemphu? Pima, kangthir abang nang inut nat. Kadokave adet amonit atum vangsi nangphan ingduk-ardomji, Pima, nang keklem akangsai akam an kadokave atum thek-longdak-lo.”

⁵Labangso aphi neli thek-long-lo, sining athak Kardomhemthepi kang-thir, atheke Haki ape ahem ingpudet-lo.

⁶Ansi Kardomhemthepi kangthir pen hala sonthroksi avur-akrem pen kepasungji apherangke bang throksi atum nangbarlo. Halatum lir-lir, lor-lor alinen ape kangthir che-umlo, lapen aning ke ser achepan pen chingtinlo.

⁷Ansi hala jonphli api angbong pen ejon abang throksi apherangke atum aphan kejut un-e akai anta kerengver a-Arnam aning kethi pen keplengset aser aharlung hong throksi pilo.

⁸Lapen Arnam adak-atur lapen ajakong amehi Kardomhemthepi kangthir arlo plengset-lo, lapen hala bang throksi apherangke atum kepasung son throksi avur-akrem jutje tik ke baduta kardom ahem thepi arlo lutdam un-edet-lo.