Read Karbi 1 SAMUEL 27 Bible Online

1 SAMUEL 27 - Karbi bible

1 SAMUEL 27

¹David amethang chepulo, “Non malom angbong arnisibak Sol nephan pathilotji. Nephan akemenei ke Philistia atum along kekat helo kejokji. Anke Israel angbong Sol nephan keriji obuppo, lapen ne jokvan po.”

²Lasi David lapen la bang 600 amonit tongsekot pen Ma-ok asopo, Akish, la Gath arecho along damlo.

³David lapen la amonit atum apiso-aso pen pen Gath alongsi dolo. David apiso banghini la along dolo, Jezreel pen Ahinoam lapen Nabal ahemepi Abigail, la Karmel pen abangpi talo.

⁴Gath anat David kattang-lo pu Sol arjulongsi la aphan keridun obup-lo.

⁵Akish aphan David pulo, “Nangli jongsi nelijirpo pulote, neli kedoji aphan rong nelipitha. Det arongsopi kethe alongle along neli kedoji akam ave, akehai.”

⁶Lasi Akish la aphan Ziklag arong pilo. Laso apotsi nonpu anta Ziklag ke Judah arecho atum arideng dolongverlo.

⁷Philistia adet chiklo jon 16 an David dolo.

⁸Halaso ahut David lapen la amonit atum aphrang pen kedo Geshur, Girzi, lapen Amalek atum aphan tengkheng-lo.

⁹Ijip atovar Shur anta halatum alongle pinso-arlo pathisi biresak, chainong, gadha, ka-ut lapen pe-ri-heihei thiponlo. Anke la Akish along vangpo,

¹⁰la arjupo, “Non ephong nangli konatsi mar kethidamlo?” Anke David thakpo, la Judah adet anitur ahin anat mate Zerahmeel aso alongri mate Ken atum kedo alongrisi kedamlo pu thakpo.

¹¹David ke abangphutin pinso-arlo aphanta pathilappo, la lote, baduta Gath damsi la pen la amonit kopi klemtang-loma than dam thekthelo. Lahei helo David Philistia alongri kedo un ahut keklem akam.

¹²Bonta David aphan Akish kroipamelo lapen amethang chepulo, “La aphan amethang arat Israel atum pu-an hijimlo, la akai isi nephansi ingduk nangpo.”