Read Karbi 1 SAMUEL 3 Bible Online

1 SAMUEL 3 - Karbi bible

1 SAMUEL 3

¹Oso Samuel, Eli aber HEMPHU aphan ingdukbomlo, halaso ahut HEMPHU abirta kelong atum ong-e, lapen alangli pen mang kethek-long atum ta ong-e.

²Ningve isi, Eli, la nonke amek kave asonlo, amethang angdeng amekjang-lo;

³Samuel ke kangthir-et kechejok aloh asinduk kedo adimsi amekjang-lo. Theang-e aphrang melur ame karbomlang,

⁴Samuel aphan HEMPHU hang-lo, la thak-lo, “Kopilo akehai!”

⁵lapen Eli along katsi pulo, “Nangli neliphan nangkehangma? Lasi neli kevang-lo.” Bonta Eli thak-lo, “Ne nangphan nanghang longle! Nanghongplang anat chedamthunon.” Lasi ahongplang anat Samuel chedamthulo.

⁶Samuel aphan HEMPHU puthot hangthulo. La ase HEMPHU pensi vang-lo pu oso chininelang, pima aphrang la aphan HEMPHU hanghe pinlang.

⁷Lasi la thursi Eli along damlo, lapen pulo, “Nangli nehangma, lasi neli kevang-lo.” Bonta Eli thak-lo, “Ne nangphan hanghe, po! Da, hongplang anat chedamnon.”

⁸Batai kethom aphong Samuel aphan HEMPHU hang-lo; la thursi Eli along damlo lapen pulo, “Nangli nehangma, neli vang-lo.” Ansi Eli chinilo, la HEMPHU-si oso aphan kehang-lo,

⁹lasi la aphan alangli pulo, Hongplang along chedamnon, lapen Alangli nangphan nanghangthu lote thakdunnon, Nethannon, HEMPHU nangliban arjuding-lo. Ansi Samuel amethang ahongplang along chedamlo.

¹⁰HEMPHU vangsi hadak arjapding-lo, aphrang asonthot la hang-lo, “Samuel! Samuel!” Samuel thak-lo, “Nethannon, nangliban ke arjuding-lo.”

¹¹La aphan HEMPHU pulo, “Mo arnisi Israel arat aphan Ne pine ason klemji pu, la karjulong abangphutin ano-heihei dingrongji.

¹²Halaso arni Eli ahemtun aphuthak Ne keputang alam an kecheng pen kejut an pachekok-vekpo.

¹³Ne la aphan putang-lo, la ahemtun aphan Ne aduk-pivekji kaiketa, pima la asomar atum nebe thursi kehingno alam-heihei ningjelo. Latum lahei klemtang-lo pu Eli chini, bonta latum aphan la pangtonkok ke det-lo.

¹⁴Lasi Ne ahokpet pen Eli ahemtun aphan pathiktang-lo, laso kephere-meme apap ale kechamji aphan jat athok-ajir pen seta pakak un-elo.”

¹⁵Adap anta Samuel hongplang alongsi dolang; anke la thursi HEMPHU ahem anghap ingpudamlo. Laso akethek-long alam la Eli aphan kethanji pherelo.

¹⁶La aphan Eli hang-lo, “Sopo, Samuel!” “Kopilo, akehai,” Samuel thak-lo.

¹⁷“Nangphan HEMPHU kopisi nang kethanlo?” Eli arjulo, “Ne pen thangnat ta paturi. HEMPHU nangphan nangkethan ason an nethanthete alangli nangphan aduk nangpipo.”

¹⁸Lasi la aphan kedo-an alamta Samuel than-et-lo; la pen ajat asonta patute det-lo. Lapen la pulo, “La HEMPHU lo; laphan keme alingsi klempo.”

¹⁹Samuel thebomsi la along HEMPHU dolo lapen Samuel kepu alam aling pachekokdet titilo.

²⁰Lasi Israel atum kedo-an det ehin pen kejut ahin anta Samuel ke HEMPHU amontri inut-lo pu chinipet-lo.

²¹Shiloh along Samuel aphan kecheklang lapen kethan adim HEMPHU la aphan cheklangverlo. Lapen Samuel lam ningje lote Israel aso an alangli kethan alam arjulo.