Read Keapara Mataio 1 Bible Online

Mataio 1 - Keapara bible

Mataio 1

¹Iesu Keriso ewalato, tupuna gatana geriana evogomaito valina ea: Iesu ia Davida kalakalana, Davida ia Aperaamo kalakalana.

²Aperaamo ia Isaako tamana; Isaako ia Iakobo tamana; Iakobo ia Iuda makakana e matarina ria tamara;

³Iuda ia Perese e Sera tamara, ira tinara Tamar; Perese ia Hesron tamana; Hesron ia Ram tamana;

⁴Ram ia Aminadab tamana; Aminadab ia Nasona tamana; Nasona ia Salmon tamana;

⁵Salmon ia Boas tamana, Boas tinana Rahaba; Boas ia Obed tamana, Obed tinana Ruta; Obed ia Iese tamana;

⁶Iese ia King Davida tamana. Davida ia Solomona tamana. Solomona ia Uria garawana genana ewalato, (Uria garawana etavarariato mulinai);

⁷Solomona ia Rehoboam tamana; Rehoboam ia Abia tamana; Abia ia Asa tamana;

⁸Asa ia Iehosafat tamana; Iehosafat ia Ioram tamana; Ioram ia Usia tamana;

⁹Usia ia Iotam tamana; Iotam ia Ahasa tamana; Ahasa ia Hesekia tamana;

¹⁰Hesekia ia Manase tamana; Manase ia Amon tamana; Amon ia Iosia tamana;

¹¹Iosia ia Iekonia mawalakavana ria tamara. Volaganinai Babulonia talimara na Isaraela talimara gegapi-agorato Babuloniai.

¹²Babuloniai gegapi-agorato mulinai, Iesu evogomaito gulura e gewalato valina ea: Iekonia ia Sealtiele tamana; Sealtiele ia Serubabele tamana;

¹³Serubabele ia Abiud tamana; Abiud ia Eliakim tamana; Eliakim ia Asoro tamana;

¹⁴Asoro ia Sadok tamana; Sadok ia Akim tamana; Akim ia Eliud tamana;

¹⁵Eliud ia Eleasara tamana; Eleasara ia Matan tamana; Matan ia Iakobo tamana;

¹⁶Iakobo ia Iosepa tamana, Iosepa garawana Maria. Maria genana Iesu ewalato; Iesu arana gekilagiana Keriso negetina. (Keriso ganina ia Palagu na ekilagi-maavuato vevega-maguli tauna).

¹⁷Gulu maparara Aperaamo genana pene vogomai King Davida genai gulu gagalana vativati (14), Davida genana pene vogomai Babuloniai gelakagirato gulu gagalana vativati (14), Babuloniai gelakagirato laganina na vegata pene vogomai Keriso genai gulu gagalana vativati (14). Iesu ewalato

¹⁸Iesu Keriso evetaina ewalato: Ia tinana Maria Iosepa komunana, na ira ruala e rogoti gere vegarawa aonai, Veaga Palaguna na melo evega-matagaiato Maria tinagenai.

¹⁹Iosepa, Maria garawana, ia kala rorirori talimana, e ati eririwato, taunilimalima wailarai Maria pene vega-nugaragea. Vovetaina gaurai gena ririwa ia veavugai vou Maria pene rugaa netiwato.

²⁰Ia vovetaina etugamagiwai aonai, Velekou gena aneru ta nivi aonai ematagaito, ne evaikilaato, netiwato, “Iosepa, Davida natuna, komunamu Maria gapiragena kalinana ragai pono kali, kwalana ia e Veaga Palaguna na melo pevega-matagaia ia tinagenai.

²¹Ia na melo ta pene gapia, pono araa arana Iesu, (Iesu ganina ia vevega-maguli tauna); kwalana ia na gena taunilimalima geria rakava aorana pene vega-magulira.”

²²Egaura maparara gewalato e Velekou na peroveta talimana muruna na ekilagirato kilara pene vega-taunataunara ularana, netiwato,

²³“Iogita,vavine ta pene kuvia, melo ta pene gapia,vomelo keina pia araa Emanuela.” Emanuela ganina “Palagu ita lagalagarai.”

²⁴Iosepa maitu na ekeroto aonai Velekou gena aneru na evaikilaato kalara ekalagirato. Maria evairageato, egarawaato.

²⁵Na ia goti ati gegeno-kouto natuna egapiato. Melona earaato arana, Iesu.