Read Kernewek Jenesis 36 Bible Online

Jenesis 36 - Kernewek bible

Jenesis 36

¹An re ma yw henedhow Esaw, henn yw Edom.

²Esaw a gemmeras y wragedh a'n myrghes a Kanan: Ada, myrgh Elon an Hittyas, hag Oholibama, myrgh Ana, myrgh Sibeon an Hivyas,

³ha Basemath, myrgh Yshmael, hwoer Nebayoth.

⁴Hag Ada a dhineythis dhe Esaw Elifaz, ha Basemath a dhineythis Reuel.

⁵Hag Oholibama a dhineythis Yeush ha Yalam ha Koragh. An re ma yw mebyon Esaw a veu genys dhodho yn pow Kanan.

⁶Hag Esaw a gemmeras y wragedh, ha'y vebyon ha'y vyrghes, ha tus oll y vayni, ha'y jatel, hag oll y vestes hag oll an pyth re gavsa yn pow Kanan; hag yth eth yn-kerdh yn pow arall dhiworth fas y vroder Yakob.

⁷Rag mar vras o aga fyth ma na yllens triga war-barth, ha na ylli an pow mayth esens trigys ynno aga ferthi drefenn aga chatel.

⁸Ytho Esaw a drigas yn menydh Seir. Esaw yw Edom.

⁹An re ma yw henedhow Esaw, tas Edom, yn menydh Seir.

¹⁰An re ma yw henwyn mebyon Esaw: Elifaz mab Ada gwreg Esaw; Reuel mab Basemath gwreg Esaw.

¹¹Mebyon Elifaz o Teman, Omar, Sefo, Gatam ha Kenaz.

¹²Timna o iswreg Elifaz mab Esaw; ha hi a dhineythis Amalek dhe Elifaz. An re ma yw mebyon Ada, gwreg Esaw.

¹³An re ma yw mebyon Reuel: Nahath, Zeragh, Shamma ha Mizza. An re ma o mebyon Basemath, gwreg Esaw.

¹⁴An re ma o mebyon Oholibama, myrgh Ana, myrgh Sibeon, gwreg Esaw. Hi a dhineythis dhe Esaw Yeush, Yalam ha Koragh.

¹⁵An re ma yw pennternedh mebyon Esaw. Mebyon Elifaz, kynsa-genys Esaw: penntern Teman, penntern Omar, penntern Sefo, penntern Kenaz,

¹⁶penntern Koragh, penntern Gatam, penntern Amalek. An re ma yw pennternedh Elifaz yn pow Edom; mebyon Ada yns i.

¹⁷An re ma yw mebyon Reuel mab Esaw: penntern Nahath, penntern Zeragh, penntern Shamma, penntern Mizza. An re ma yw pennternedh Reuel yn pow Edom; mebyon Basemath gwreg Esaw yns i.

¹⁸An re ma yw mebyon Oholibama, gwreg Esaw: penntern Yeush, penntern Yalam, penntern Koragh. An re ma yw pennternedh Oholibama, myrgh Ana, gwreg Esaw.

¹⁹An re ma yw mebyon Esaw, ha'n re ma yw aga fennsevigyon. Ev yw Edom.

²⁰An re ma yw mebyon Seir an Horyas, trigoryon y'n pow: Lotan, Shobal, Sibeon, Ana.

²¹Dishon, Eser ha Dishan: an re ma yw pennternedh an Horysi, mebyon Seir yn pow Edom.

²²Mebyon Lotan o Hori ha Hemam; ha hwoer Lotan o Timna.

²³An re ma yw mebyon Shobal: Alvan, Manahath, Ebal, Shefo hag Onam.

²⁴An re ma yw mebyon Sibeon: Aya hag Ana; ev yw Ana a gavas an fentynyow toemm[45] y'n difeythtir hag ev ow peuri asenes Sibeon y das.

²⁵Ha'n re ma yw fleghes Ana: Dishon hag Oholibama, myrgh Ana.

²⁶An re ma yw mebyon Dishan: Hemdan, Eshban, Ythran ha Keran.

²⁷An re ma yw mebyon Eser: Bilhan ha Zaavan hag Akan.

²⁸An re ma yw mebyon Dishan: Us hag Aran.

²⁹An re ma yw pennternedh an Horysi: penntern Lotan, penntern Shobal, penntern Sibeon, penntern Ana,

³⁰penntern Dishon, penntern Eser, penntern Dishan. An re ma yw pennternedh an Horysi, war-lergh aga fennsevigyon yn pow Seir.

³¹An re ma yw an vyghternedh a reynyas yn pow Edom kyns myghtern dhe reynya war vebyon Ysrael.

³²Bela mab Beor a reynyas yn Edom; ha hanow y sita o Dinhaba.

³³Bela a verwis, ha Yobab mab Zeragh dhiworth Bosra a reynyas yn y le.

³⁴Yobab a verwis, ha Husham a bow Teman a reynyas yn y le.

³⁵Husham a verwis, ha Hadad, mab Bedad, neb a fethas Midyan yn gwel Moab, a reynyas yn y le; ha hanow y sita o Avith.

³⁶Hadad a verwis, ha Samla dhiworth Masreka a reynyas yn y le.

³⁷Samla a verwis, ha Shaul dhiworth Rehoboth-hannahar a reynyas yn y le.

³⁸Shaul a verwis, ha Baal-hanan, mab Akbor a reynyas yn y le.

³⁹Baal-hanan mab Akbor a verwis, ha Hadar a reynyas yn y le; ha hanow y sita o Pau. Hanow y wreg o Mehetabel, myrgh Matred, myrgh Me-zahab.

⁴⁰An re ma yw henwyn pennternedh Esaw, war-lergh aga theyluyow, war-lergh aga thylleryow, orth aga henwyn: penntern Timna, penntern Alva, penntern Yetheth,

⁴¹penntern Oholibama, penntern Ela, penntern Pinon,

⁴²penntern Kenaz, penntern Teman, penntern Mibsar,

⁴³penntern Magdiel, penntern Iram. An re ma yw pennternedh Edom war-lergh aga thrigvaow yn pow aga ferghennogeth. Ev yw Esaw, tas Edom.