Read Kernewek 2 Myghternedh 22 Bible Online

2 Myghternedh 22 - Kernewek bible

2 Myghternedh 22

¹Eth bloedh o Yosia pan dhallathas reynya, hag ev a reynyas unnek blydhen warn ugens yn Yerusalem. Yedida o hanow y vamm, myrgh Adaya a Boskath.

²Ev a wrug an pyth o ewn yn golok an ARLOEDH, ha kerdhes yn fordh Davydh y das, ha ny dreylyas a-denewen dhe'n dyghow na dhe'n kledh.

³Y'n etegves blydhen a vyghtern Shafan mab Asalia mab Meshullam, an skrifwas, dhe ji an ARLOEDH, ow leverel,

⁴‘Ke yn-bann dhe Hilkia an arghoferyas, ha gwra dhodho rekna oll sommenn an arghans dres a-berth yn chi an ARLOEDH, re guntellas gwithysi an treudhow a-dhiworth an bobel;

⁵delivrens e yn leuv an re a worvir an ober yn chi an ARLOEDH; delivrens e dhe'n weythoryon usi yn chi an ARLOEDH orth y ewnhe,

⁶dhe'n seri prenn, dhe'n dhrehevoryon, dhe'n seri men; rag prena prenn ha men nedhys rag ewnhe an chi.

⁷Byttegyns na vedhes akont govynnys orta a'n arghans a veu delivrys yn aga leuv, drefenn i dhe dhyghtya yn onest.’

⁸Hilkia an arghoferyas a leveris dhe Shafan an skrifwas, ‘My re gavas lyver an lagha yn chi an ARLOEDH.’ Ha Hilkia a ros an lyver dhe Shafan hag ev a'n redyas.

⁹Ena Shafan an skrifwas a dheuth dhe'n myghtern, ha derivas dhe'n myghtern, ‘Agas gwesyon re guntellas an arghans a veu kevys y'n chi, hag i re'n delivras yn leuv an weythoryon apoyntys dhe worvires yn chi an ARLOEDH.’

¹⁰Ena Shafan an skrifwas a dherivas dhe'n myghtern ow leverel, ‘Hilkia an oferyas re ros lyver dhymm.’ Ha Shafan a'n lennas a-rag an myghtern.

¹¹Pan glewas an myghtern geryow lyver an lagha, ev a skwardyas y dhillas.

¹²An myghtern a worhemmynnis dhe Hilkia an oferyas, hag Ahikam mab Shafan, hag Akbor mab Mikaya, ha Shafan an skrifwas, hag Asaya gwas a'n myghtern, ow leverel,

¹³‘Kewgh ha hwilewgh dhiworth an ARLOEDH ragov, rag an bobel, ha rag oll Yuda, a-dro dhe eryow an lyver ma re beu kevys; rag bras yw sorr an ARLOEDH re beu enowys er agan pynn, drefenn na woslowas agan tasow orth geryow an lyver ma, dhe wul pup-tra herwydh an pyth yw skrifys a-dro dhyn.’

¹⁴Ytho Hilkia an oferyas, Ahikam, Akbor, Shafan, hag Asaya eth dhe Hulda an brofoeses, gwreg Shallum mab Tikva mab Harhas, gwithyas an dhillasva; yth esa hi trigys yn Yerusalem y'n Nessa Kwartron, hag i a gewsis orti.

¹⁵Hi a leveris dhedha, ‘Yndellma y lever an ARLOEDH, Duw Ysrael: Leverewgh dhe'n gour a'gas dannvonas,

¹⁶Yndellma y lever an ARLOEDH, My a dhre drog war an tyller ma, ha war y annedhysi, herwydh oll geryow an lyver re redyas myghtern Yuda,

¹⁷drefenn i dhe'm forsakya ha leski offrynnow dhe dhuwow erell, ow provokya ow sorr gans oll oberow aga diwla; rakhenna ow honnar a vydh enowys erbynn an tyller ma, ha ny vydh difeudhys.

¹⁸Mes yndella hwi a lever dhe vyghtern Yuda a'gas dannvonas dhe hwilas dhiworth an ARLOEDH: Yndellma y lever an ARLOEDH, Duw Ysrael: A-dro dhe'n geryow re glewsys,

¹⁹drefenn bos dha golonn medhel, ha ty dhe vos uvel a-dherag an ARLOEDH, pan glewsys an pyth a leveris vy erbynn an tyller ma, hag erbynn y annedhysi, mayth ellens ha bos euth ha molleth, ha skwardya dha dhillas, hag oela a-dheragov, my ynwedh re glewas, a lever an ARLOEDH.

²⁰Otta, ytho, my a'th kuntell dhe'th tasow, ha ty a vydh kuntellys a-berth y'th vedh yn kres; ny wra dha dhewlagas gweles oll an drog a dhrov war an tyller ma.’ I a dhros an messaj dhe'n myghtern arta.