Read Kernewek 1 Kroniklys 2 Bible Online

1 Kroniklys 2 - Kernewek bible

1 Kroniklys 2

¹An re ma yw mebyon Ysrael: Rewben, Simeon, Levi, Yuda, Yssakar Zebulun,

²Dan, Yosep, Benyamin, Naftali, Gad, hag Asher.

³Mebyon Yuda: Er, Onan, ha Shela: an tri ma a veu genys dhodho a vyrgh Shua an Gananyades. Er, kynsa-genys Yuda, a veu drog yn golok an ARLOEDH, ytho ev a'n ladhas.

⁴Tamar y wohydh a dhineythis dhodho Peres ha Zeragh. Oll mebyon Yuda o pymp.

⁵Mebyon Peres: Hesron ha Hamul.

⁶Mebyon Zeragh: Zimri, Ethan, Heman, Kalkol ha Dara, i oll o pymp.

⁷Mebyon Karmi: Akar, neb a dhros anfeus war Ysrael ow terri an volleth.

⁸Mab Ethan: Azaria.

⁹Mebyon Hesron hag a veu genys dhodho: Yerahmeel, Ram, ha Kelubay.

¹⁰Ram a dhineythis Amminadab hag Amminadab a dhineythis Nahshon, pennsevik mebyon Yuda.

¹¹Nahshon a dhineythis Salma, ha Salma a dhineythis Boaz.

¹²Boaz a dhineythis Obed, hag Obed a dhineythis Yesse.

¹³Yesse a dhineythis y gynsa-genys Eliab, Abinadab an nessa, Shimea an tressa,

¹⁴Nethanel an peswora, Radday an pympes,

¹⁵Osem an hweghves, Davydh an seythves;

¹⁶aga hwerydh o Seruya hag Abigayl. Mebyon Seruya: Abishay, Yoab hag Asahel, tri.

¹⁷Abigayl a dhineythis Amasa, ha tas Amasa o Yether, an Yshmaelyas.

¹⁸Kaleb mab Hesron a dhineythis Yerioth a Azuba y wreg, ha tri mab: Yesher, Shobab hag Ardon.

¹⁹Pan verwis Azuba, Kaleb a dhemmedhis Efrath neb a dhineythis dhodho Hur.

²⁰Hur a dhineythis Uri, hag Uri a dhineythis Besalel.

²¹A-wosa, Hesron, pan o tri-ugens bloedh, eth a-ji dhe vyrgh Makir tas Gilead. Ev a's kemmeras, ha hi a dhineythis dhodho Segub.

²²Segub a dhineythis Yair a'n jevo teyr sita warn ugens yn pow Gilead.

²³Mes Geshur hag Aram a gemmeras anedha Havvoth-yair, ha Kenath ha'y threvow, tri-ugens tre. Oll an re ma o mebyon Makir, tas Gilead.

²⁴Wosa mernans Hesron, Kaleb eth dhe Efratha; hag Abia, gwedhwes Hesron, a ros dhodho mab, Ashhur, tas Tekoa.[3]

²⁵Mebyon Yerahmeel, kynsa-genys Hesron: Ram an kynsa-genys, Buna, Oren, Osem hag Ahiya.

²⁶Yerahmeel a'n jevo gwreg arall ynwedh ha'y hanow o Atara; hi o mamm Onam.

²⁷Mebyon Ram, kynsa-genys Yerahmeel: Maaz, Yamin hag Eker.

²⁸Mebyon Onam: Shammay ha Yada. Mebyon Shammay: Nadab, hag Abishur.

²⁹Hanow gwreg Abishur o Abihayl ha hi a dhineythis dhodho Aghban ha Molid.

³⁰Mebyon Nadab: Seled hag Appaym; Seled a verwis heb fleghes.

³¹Mebyon Appaym: Yshi. Ha mebyon Yshi: Sheshan. Mebyon Sheshan: Aghlay.

³²Mebyon Yada broder Shammay: Yether ha Yonathan; Yether a verwis heb fleghes.

³³Mebyon Yonathan: Peleth ha Zaza. An re ma o henedh Yerahmeel.

³⁴Lemmyn, Sheshan ny'n jeva mebyon, mes myrghes. Sheshan a'n jevo kethwas ejyptek, Yarha y hanow.

³⁵Ytho Sheshan a ros y vyrgh yn demmedhyans dhe Yarha y gethwas, ha hi a dhineythis dhodho Attay.

³⁶Attay a dhineythis Nathan ha Nathan a dhineythis Zabad.

³⁷Zabad a dhineythis Eflal, hag Eflal a dhineythis Obed.

³⁸Obed a dhineythis Yehu ha Yehu a dhineythis Azaria.

³⁹Azaria a dhineythis Heles, ha Heles a dhineythis Elasa.

⁴⁰Elasa a dhineythis Sismay ha Sismay a dhineythis Shallum.

⁴¹Shallum a dhineythis Yekamia, ha Yekamia a dhineythis Elishama.

⁴²Mebyon Kaleb, broder Yerahmeel: Mesha y gynsa-genys, neb o tas Zif; ha Maresha, tas Hebron.[4]

⁴³Mebyon Hebron: Koragh, Tappuagh, Rekem ha Shema.

⁴⁴Shema a dhineythis Raham, tas Yorkeam; ha Rekem a dhineythis Shammay.

⁴⁵Mab Shammay: Maon ha Maon o tas Beth-sur.

⁴⁶Efa, iswreg Kaleb, a dhineythis dhodho Haran, Mosa, ha Gazez. Haran a dhineythis Gazez.

⁴⁷Mebyon Yahday: Regem, Yotham, Geshan, Pelet, Efa ha Shaaf.

⁴⁸Maaka, iswreg Kaleb, a dhineythis Sheber ha Tirhana.

⁴⁹Hi a dhineythis ynwedh Shaaf, tas Madmanna, ha Sheva tas Makbena ha Gibea. Myrgh Kaleb o Aksa.

⁵⁰An re ma o mebyon Kaleb. Mebyon Hur, kynsa-genys Efratha: Shobal tas Kiryath-yearim,

⁵¹Salma tas Bethlehem, ha Haref tas Beth-gader.

⁵²Shobal tas Kiryath-yearim a'n jevo mebyon erell: Haroe ha hanter an Manahathysi.

⁵³Kordhow Kiryath-yearim: an Ythrysi, an Puthysi, an Shumathysi, ha'n Mishraysi; dhiworta a dheuth an Sorathysi ha'n Eshtaolysi.

⁵⁴Mebyon Salma: Bethlehem, an Netofathysi, Atroth-beth-yoab ha hanter an Manahathysi, an Sorysi.

⁵⁵Kordhow skribys trigys yn Yabes: an Tirathysi, an Shimeathysi ha'n Sukathysi. An re ma o an Kenysi, devedhys a Hammath, tas an Rekabysi.