Read Kernewek 1 Kroniklys 4 Bible Online

1 Kroniklys 4 - Kernewek bible

1 Kroniklys 4

¹Mebyon Yuda: Peres, Hesron, Karmi, Hur ha Shobal.

²Reaya mab Shobal a dhineythis Yahath, ha Yahath a dhineythis Ahumay ha Lahad. An re ma o kordhow an Sorathysi.

³Mebyon Etam: Yezreel, Yshma hag Ydbash, ha hanow aga hwoer o Haselelponi,

⁴Penuel neb o tas Gedor, Ezer neb o tas Husha. An re ma o mebyon Hur: Efratha an kynsa-genys, tas Bethlehem.

⁵Ashhur, tas Tekoa, a'n jevo diw wreg, Hela ha Naara.

⁶Naara a dhineythis dhodho Ahuzzam, Hefer, Temeni, ha Ha-ahashtari. An re ma o mebyon Naara.

⁷Mebyon Hela: Sereth, Yshar hag Ethnan.

⁸Kos a dhineythis Anub, Sobeba, ha kordhow Aharhel mab Harum.

⁹Yabes o moy enoradow es dell o y vreder; ha'y vamm a'n henwis Yabes, ow leverel, ‘Drefenn my dh'y dhineythi yn payn.’

¹⁰Yabes a elwis war Dhuw Ysrael, ow leverel, ‘Unnweyth a kwrelles ow benniga ha moghhe ow oryon, hag a pe dha leuv genev ha'm gwitha dhiworth drog, may fen heb payn.’ Ha Duw a wrontyas an pyth a wovynnas.

¹¹Kelub, broder Shuha, a dhineythis Mehir neb o tas Eshton.

¹²Eshton o tas Bethrafa, Paseagh, ha Tehinna tas Irnahash. An re ma o gwer Reka.

¹³Mebyon Kenaz: Othniel ha Seraya. Mebyon Othniel: Hathath.

¹⁴Meonothay a dhineythis Ofra; ha Seraya a dhineythis Yoab tas Ge-harashim, henwys yndella rag aga bos kreftoryon.

¹⁵Mebyon Kaleb mab Yefunne: Iru, Ela, ha Naam. Mab Ela: Kenaz.

¹⁶Mebyon Yehallelel: Zif, Zifa, Tirya, hag Asarel.

¹⁷Ezra a'n jevo peswar mab: Yether, Mered, Efer ha Yalon. Mered a dhemmedhis Bithia, myrgh Faro, hag i a's tevo myrgh, Miryam, ha dew vab, Shammay hag Yshba. Yshba o tas Eshtemoa.

¹⁸Mered a dhemmedhis ynwedh benyn dhiworth loeth Yuda hag i a's tevo tri mab: Yered tas Gedor, Heber tas Soko, hag Yekuthiel tas Zanoagh.

¹⁹Mebyon y wreg Hodia hwoer Naham o Dalia tas Keila an Garmyas, hag Eshtemoa an Maakathyas.[6]

²⁰Mebyon Shimon: Amnon, Rinna, Ben-hanan, ha Tilon. Mebyon Yshi: Zoheth ha Ben-zoheth.

²¹Mebyon Shela mab Yuda: Er tas Leka, Laada tas Maresha, ha kordhow an weythoryon lien yn Beth-ashbea,

²²ha Yokim, ha gwer Kozeba, Yoash ha Saraf a rewlyas yn Moab ha dehweles dhe Lehem (an kovadhow yw koth).

²³An re ma o an briweythoryon trigys yn Netaim ha Gedera; yth esens trigys ena yn servis an myghtern.

²⁴Mebyon Simeon: Nemuel, Yamin, Yarib, Zeragh ha Shaul;

²⁵Shallum o y vab, Mibsam y vab, Mishma y vab.

²⁶Mebyon Mishma: Hammuel y vab, Zakkur y vab, Shimei y vab.

²⁷Yth esa dhe Shimei hwetek mab ha hwegh myrgh, mes nyns esa dh'y vreder lies flogh ha ny gressyas loeth Simeon kepar ha loeth Yuda.

²⁸Yth esa mebyon Simeon trigys yn Beer-sheba, Molada, Hasar-shual,

²⁹Bilha, Esem, Tolad,

³⁰Bethuel, Horma, Siklag,

³¹Beth-markaboth, Hasar-susim, Beth-biri ha Shaaraym. An re ma o aga sitys bys pan reynyas Davydh.

³²Aga threvow o Etam, Ayn, Rimmon, Token hag Ashan, pymp sita,

³³hag oll aga threvow esa a-dro dhe'n sitys ma bys yn Baal. An re ma o aga threvesigethow hag i a withas kovadh aga aghskrif.

³⁴An re ma o pennow aga hordhow: Meshobab, Yamlek, Yosha mab Amasia,

³⁵Yoel, Yehu mab Yoshibia mab Seraya mab Asiel,

³⁶Elyoenay, Yaakoba, Yeshohaya, Asaya, Adiel, Yesimiel, Benaya,

³⁷Ziza mab Shifi mab Allon mab Yedaya, mab Shimri mab Shemaia —

³⁸an re ma kampoellys der aga henwyn o pennow yn teyluyow aga thasow; ha chi aga thasow a gressyas yn fras.

³⁹I a vyajyas dhe entrans Gedor, a'n est dhe'n nans, rag hwilas peurva rag aga flokkys ha'ga greow.

⁴⁰I a gavas peurva rych ha feyth ha'n tir o pur efan, kosel ha hebask. Kyns i dhe dhos, yth esa re a Ham trigys ena.

⁴¹An re ma skrifys dre hanow a dheuth yn dydhyow Hezekia myghtern Yuda. I a dhistruis tyldow an Hamysi ha'n Meunysi a veu kevys ena ha'ga difeudhi bys y'n jydh ma; i a drigas yn aga le, drefenn bos peurva ena rag aga flokkys ha'ga greow.

⁴²Ha rann a'n Simeonysi, pymp kans gour, eth dhe venydh Seir, gans aga hembrenkysi Pelatia, Nearia, Refaya hag Uzziel, mebyon Yshi.

⁴³I a ladhas remenant an Amalekysi re dhienksa; hag i re beu trigys ena bys y'n jydh ma.