Read Kernewek Nehemia 10 Bible Online

Nehemia 10 - Kernewek bible

Nehemia 10

¹An re neb a worras aga sel a veu Nehemia an governour, mab Hakalia, ha Sedekia;[8]

²Seraya, Azaria, Yeremia,

³Pashhur, Amaria, Malkia,

⁴Hattush, Shebania, Malluk,

⁵Harim, Meremoth, Obadia,

⁶Daniel, Ginnethon, Baruk,

⁷Meshullam, Abia, Miyamin,

⁸Maazia, Bilgay, Shemaia; an re ma yw an oferysi.

⁹Ha'n Levysi: Yeshua mab Azania, Binnuy a vebyon Henadad, Kadmiel;

¹⁰ha'ga heskowetha, Shebania, Hodia, Kelita, Pelaya, Hanan,

¹¹Mika, Rehob, Hashabia,

¹²Zakkur, Sherebia, Shebania arall,

¹³Hodia, Bani, Beninu.

¹⁴Pennow an bobel: Parosh, Pahath-moab, Elam, Zattu, Bani,

¹⁵Bunni, Azgad, Bebay,

¹⁶Adoniya, Bigvay, Adin,

¹⁷Ater, Hezekia, Azzur,

¹⁸Hodia, Hashum, Besay,

¹⁹Harif, Anathoth, Nebay,

²⁰Magpiash, Meshullam, Hezir,

²¹Meshezabel, Sadok, Yaddua,

²²Pelatia, Hanan, Anaya,

²³Hoshea, Hanania, Hasshub,

²⁴Hallohesh, Pilha, Shobek,

²⁵Rehum, Hashabna, Maaseya,

²⁶Ahiya, Hanan arall, Anan,

²⁷Malluk, Harim, ha Baana.

²⁸Remenant an bobel — an oferysi, an Levysi, an borthoryon, an ganoryon, an Nethinim[9] hag oll re dhibarthas aga honan dhiworth poblow an tiryow rag lagha Duw, aga gwragedh, aga mebyon ha'ga myrghes, peub neb a'n jeves godhvos ha konvedhes —

²⁹a jun gans aga breder an ugheloryon hag omgelmi gans molleth ha ti dhe gerdhes yn lagha Duw a veu res dre Moyses gwas Duw, ha dhe witha ha dhe wul oll gorhemmynnow an ARLOEDH agan Arloedh ha'y vreusow ha'y ordenansow.

³⁰Ny ren agan myrghes yn demmedhyans dhe boblow an pow, na kemmeres aga myrghes rag agan mebyon;

³¹ha mar trollo boblow an pow gwara po neb greun yn dydh sabot dhe wertha, ny brenyn dhiworta yn dydh sabot po yn dydh sans; ha pub seythves blydhen ny a as an tir anerys, ha ni a dhile oll kendonow.

³²Ynwedh ni a sett warnan agan honan an charj dhe gowlwul an gorhemmynn dhe ri tressa rann a shekel a arghans pub blydhen rag servis chi agan Duw:

³³rag bara an wolok, ha'n offrynn greun pub-dydhyek, ha'n offrynn leskys pub-dydhyek, an sabotys, an loeryow nowydh, an dy'goelyow ordenys, an offrynnow sans, ha'n offrynnow pegh dhe wul dehwelyans rag Ysrael, ha rag oll ober chi agan Duw.

³⁴Hag ynwedh ni re dewlis prenn — an oferysi, an Levysi, ha'n bobel — rag an offrynn keunys, dh'y dhri yn chi agan Duw, herwydh chiow agan tasow, yn termynyow apoyntys, blydhen wosa blydhen, dhe leski war alter an ARLOEDH agan Duw, dell yw skrifys y'n lagha.

³⁵Ha ni a omgemmer an charj dhe dhri kynsa frut agan dor, ha kynsa frut a oll an frut a bub gwydhenn, blydhen wosa blydhen, dhe ji an ARLOEDH;

³⁶ynwedh dhe dhri dhe ji agan Duw, dhe'n oferysi neb a serv yn chi agan Duw, an kynsa-genys a'gan mebyon, hag a'gan gwarthek, dell yw skrifys y'n lagha, ha'n kynsa-genys a'gan greow hag a'gan flokkys;

³⁷ha dhe dhri kynsa frut agan bleus garow, ha'gan offrynnow, ha'n frut a oll an gwydh, an win ha'n oyl, dhe'n oferysi, dhe jambouryow chi agan Duw; ha dhe dhri dhe'n Levysi an degedhow a'gan dor, rag yth yw an Levysi a guntell an degedhow yn oll an trevow le mayth oberyn.

³⁸Hag oferyas, diyskynnys a Aron, a vydh gans an Levysi pan dhegemmerons an degedhow; ha'n Levysi a dhre yn-bann an dega a'n degedhow dhe ji agan Duw, dhe jambouryow an arghow.

³⁹Rag pobel Ysrael ha mebyon Levi a dhre aga hevro a reun, gwin hag oyl dhe'n chambouryow le may ma lestri an sentri, ha'n oferysi neb a serv, ha'n borthoryon ha'n ganoryon. Ny forsakyn chi agan Duw.