Read Kernewek Eksodus 13 Bible Online

Eksodus 13 - Kernewek bible

Eksodus 13

¹An ARLOEDH a leveris dhe Moyses:

²Sansha dhymm pub kynsa-genys; an kynsa dhe igeri an brys yn mysk mebyon Ysrael, ha den ha best, yw dhymm.

³Ha Moyses a leveris dhe'n bobel, ‘Perthewgh kov a'n jydh ma, pan dheuthewgh yn-mes a Ejyp, yn-mes a'n chi a gethneth, rag an ARLOEDH a'gas dros a'n tyller ma gans leuv grev; bara goell ny vydh dybrys.

⁴An jydh ma hwi a wra mos yn-rag, y'n mis Abib.

⁵Ha pan y'th trollo an ARLOEDH dhe bow an Kananysi, an Hittysi, an Amorysi, an Hivysi, ha'n Yebusysi, hag a ambosas dhe'th tasow dhe ri dhis, tir a dhinwa leth ha mel, ty a wra gwitha an deves ma y'n mis ma.

⁶Seyth dydh y hwredh dybri bara heb goell, hag y'n seythves dydh y fydh goel dhe'n ARLOEDH.

⁷Bara heb goell a vydh dybrys seyth dydh; bara goell ny vydh gwelys genes, ha goell vyth ny vydh gwelys y'th tiredh oll.

⁸Ha ty a lever dhe'th vab an jydh na, “Yth yw drefenn an pyth a wrug an ARLOEDH dhymm pan dheuth vy yn-mes a Ejyp.”

⁹Hag y fydh dhis avel arwoedh war dha dhorn hag avel kov yntra dha dhewlagas, may fo lagha an ARLOEDH yn dha anow; rag dre leuv grev an ARLOEDH re'th tros yn-mes a Ejyp.

¹⁰Ty a wra gwitha an ordenans ma dh'y dermyn settys a vlydhen dhe vlydhen.

¹¹‘Ha pan y'th trollo an ARLOEDH dhe diredh an Kananysi, dell ambosas dhis ha dhe'th tasow, ha'y ri dhis,

¹²ty a wra profya dhe'n ARLOEDH peub a iger an brys. Pub kynsa-genys a'th warthek yw gorow a vydh dhe'n ARLOEDH.

¹³Pub asen kynsa-genys ty a wra dasprena gans oen, po mar ny'n dasprenydh ty a wra terri y gonna. Pub kynsa-genys a dhen yn mysk dha vebyon ty a wra dasprena.

¹⁴Hag y'n termyn a dheu pan wovynn orthis dha vab, “Pyth yw styr hemma?” ty a lever dhodho, “Dre nerth an leuv an ARLOEDH a'gan dros yn-mes a Ejyp, yn-mes a ji an gethneth.

¹⁵Rag pan naghas Faro gorth agan gasa dhe vones, an ARLOEDH a ladhas pub kynsa-genys yn pow Ejyp, ha kynsa-genys mab-den ha kynsa-genys an gwarthek. Rakhenna y sakrifiav dhe'n ARLOEDH oll an re worow a iger an brys; mes pub kynsa-genys a'm mebyon y tasprenav.”

¹⁶Y fydh avel arwoedh war dha dhorn po soenelligow yntra dha dhewlagas; rag dre nerth an leuv an ARLOEDH a'gan dros yn-mes a Ejyp.’

¹⁷Pan asas Faro an bobel dhe vones, ny wrug Duw aga hembronk war an fordh dhe bow an Filistysi, kynth o ogas; rag Duw a leveris, ‘Ma na gemerrons edrek pan welons bresel, ha dehweles dhe Ejyp.’

¹⁸Mes Duw a hembronkas an bobel a-dro dre fordh an gwylvos troha'n Mor Rudh.[5] Ha mebyon Ysrael eth yn-mes a bow Ejyp pareusys arayys rag kas.

¹⁹Ha Moyses a gemmeras ganso eskern Yosep; rag Yosep re wrussa dhe vebyon Ysrael gul ti, ow leverel, ‘Duw yn sur a wra agas vysytya; ha hwi a dal doen ow eskern genowgh alemma.’

²⁰Hag i eth yn-rag a Sukkoth ha kampya yn Etham, war vin an gwylvos.

²¹Ha'n ARLOEDH eth a-dheragdha dydhweyth yn koloven a gommol dh'aga hembronk war an hyns, ha nosweyth yn koloven a dan dhe ri golow dhedha, may hallens mones dydh ha nos;

²²ha ny gemmeras dhe-ves an goloven a gommol dydhweyth na'n goloven a dan nosweyth dhiworth an bobel.