Read Kernewek Salmow 101 Bible Online

Salmow 101 - Kernewek bible

Salmow 101

¹Salm a Davydh. My a gan a dregeredh ha breus; dhiso, A ARLOEDH, y kanav gormola.

²My a omdhek yn fur yn fordh dhivlam. P'eur fydhydh ow tos dhymm? My a gerdh gans kolonn lan a-berth y'm chi.

³Ny worrav travyth anwiw a-dherag ow dewlagas. My a gas ober an re a gildenn; ny len orthiv.

⁴Kolonn dreus a dhiberth dhiworthiv; ny vynnav aswonn tebelwas.

⁵Neb a gabel y gentrevek yn priva a wrav vy dhe dhistrui. Neb yw ughel y dhewlagas ha goethus y golonn ny wrav vy y wodhevel.

⁶Ow dewlagas a vydh war an re yw len y'n tir, may trikkons genev; neb a gerdh yn fordh dhivlam a vydh ow servont.

⁷Ny drig y'm chi neb a wra falsuri; ny bes y'm golok neb a lever gowyow.

⁸Pub myttin my a dhistru oll tebeles an tir, ha treghi dhe-ves oll an dhrogoberoryon dhiworth sita an ARLOEDH.