Read Kernewek Salmow 11 Bible Online

Salmow 11 - Kernewek bible

Salmow 11

¹Dhe vester an keur. A Davydh. Y'n ARLOEDH y hwilav skovva; fatell leverowgh dhe'm enev, ‘Nij dhe'n menydh avel edhen?

²Rag otta, an debeles a bleg an warak, i a dharbar aga sethow war an gordenn, rag may tennons y'n tewlder dhe'n re ewn aga holonn.

³Mars yw an selyow distruys, pandr'a yll an den gwiryon dhe wul?’

⁴Yma an ARLOEDH yn y dempel sans, yma se an ARLOEDH y'n nevow; y dhewlagas a vir, kreghyn y dhewlagas a brev mebyon den.

⁵An ARLOEDH a brev an den gwiryon ha'n tebelwas, ha'y enev a gas an den a gar garowder.

⁶Ev a wra dhe golennow tan ha loskven koedha war an debeles avel glaw; gwyns gwyls a vydh kevrenn aga hanaf.

⁷Rag an ARLOEDH yw gwiryon, ev a gar ewnder; an den ewnhynsek a wel y fas.