Read Kernewek Salmow 112 Bible Online

Salmow 112 - Kernewek bible

Salmow 112

¹Gormelewgh an ARLOEDH. Gwynnvys an gour a berth own a'n ARLOEDH, a lowenha yn feur yn y worhemmynnow.

²Y has a vydh galloesek war an nor; henedh an re ewnhynsek a vydh bennigys.

³Kevoeth ha rychys a vydh yn y ji ev, ha'y ewnder a dhur bys vykken.

⁴Dhe'n re ewnhynsek y sev golow y'n tewlder; ev yw grassyes ha truedhek ha gwiryon.

⁵Dremas yw grassyes hag ev a re kendon; ev a dhyght y negysyow gans breus.

⁶Rag ny wra ev trebuchya bynitha; an den gwiryon a vydh synsys yn kov bys vykken.

⁷Ny berth own a dhrog nowodhow; sad yw y golonn, hag ev a drest y'n ARLOEDH.

⁸Fast yw y golonn, ha ny berth own, erna wello y vynnas war y eskerens.

⁹Ev re rannas, ev re ros dhe'n voghosogyon, ha'y ewnder a dhur bys vykken; y gorn a vydh drehevys yn enor.

¹⁰An tebelwas a'n wel, hag yw serrys; ev a skrynk ha teudhi dhe-ves; mynnas an debeles a dhe goll.