Read Kernewek Salmow 113 Bible Online

Salmow 113 - Kernewek bible

Salmow 113

¹Gormelewgh an ARLOEDH. Gormelewgh an ARLOEDH, hwi wesyon an ARLOEDH, gormelewgh hanow an ARLOEDH.

²Bennigys re bo hanow an ARLOEDH alemma rag ha bys vykken.

³Dhiworth an howldrevel bys y'n howlsedhes gormelys yw hanow an ARLOEDH.

⁴Ughel a-ugh oll an kenedhlow yma an ARLOEDH, hag yma y wolewder a-ugh an nevow.

⁵Piw yw kepar ha'n ARLOEDH agan Duw, neb a'n jeves y drigva a-vann,

⁶neb a mir pell yn-nans dhe weles nev hag yn nor?

⁷Ev a gemmer an den gwann yn-mes a'n doust, ha drehevel an boghosek yn-mes a'n lusuek;

⁸Rag ma'n gorro gans pennsevigyon, gans pennsevigyon y bobel ev.

⁹Ev a wra dhe'n wreg anvap synsi chi, ha bos mamm lowen a fleghes. Gormelewgh an ARLOEDH.