Read Kernewek Salmow 12 Bible Online

Salmow 12 - Kernewek bible

Salmow 12

¹Dhe vester an keur: war Sheminith. Salm a Davydh. Salw, A ARLOEDH, rag nyns eus unn dremas gesys; rag an dus len re dhifygyas mes a vebyon den.

²I a lever euveredh, pub den gans y hynsa; gans gweus fekyl ha kolonn dhewblek y kowsons.

³An ARLOEDH a dregh oll gweusyow fekyl, an taves hag a lever taklow ughel,

⁴neb a leveris, ‘Gans agan taves y tryghyn ni, agan gweusyow yw dhyn ni; piw yw arloedh warnan ni?’

⁵‘Drefenn an voghosogyon dhe vos ravnys, drefenn kynvann an edhommogyon, lemmyn my a sev’, yn-medh an ARLOEDH; ‘my a'n gorr y'n sawder a yeun ev.’

⁶Lavarow an ARLOEDH yw lavarow glan, avel arghans teudhys yn forn a bri, purhes seythgweyth.

⁷Ty a'gan syns, AARLOEDH, ty a'gan gwith[3] rag an genedhel ma bys vykken.

⁸An debeles a gerdh a bub tu, ha bileni yw ughelhes yn mysk mebyon den.