Read Kernewek Salmow 126 Bible Online

Salmow 126 - Kernewek bible

Salmow 126

¹Salm gradhow. Pan dreylyas an ARLOEDH kethneth Sion, yth en ni kepar ha'n re owth hunrosa.

²Ena lenwys veu agan ganow a hwarth, ha'gan taves a lowena. Ena y lavarsons yn mysk an kenedhlow, ‘An ARLOEDH re wrug taklow meur rag an re ma.’

³Yn hwir, an ARLOEDH re wrug dhyn taklow meur; lowen en ni.

⁴Treyl, A ARLOEDH, agan kethneth kepar ha goverow yn difeyth an dyghow.

⁵Seul a wonis has yn dagrow a vydh ow mysi yn lowena.

⁶Neb eus ow mos yn unn oela, ow toen y sagh a has, a dheu arta gans garmow a lowena, ow tri ganso y vanalow.