Read Kernewek Salmow 130 Bible Online

Salmow 130 - Kernewek bible

Salmow 130

¹Salm gradhow. Yn-mes a'n downderyow y helwis vy warnas, A ARLOEDH.

²Arloedh, klew ow lev. Gwres dha dhiwskovarn attendya yn kluw orth lev ow govynnadow.

³Mar kwredh vri a gammweythresow, ARLOEDH, A Arloedh, piw a yll sevel?

⁴Mes yma gevyans genes jy, ytho ty yw ownys.

⁵My a worta an ARLOEDH; ow enev a'n gorta, hag yn y er ev yma dhymm govenek;

⁶ow enev a worta an Arloedh moy es dell worta an woelyadoryon an bora, devri moy es goelyadoryon an bora.

⁷Gwres Ysrael trestya y'n ARLOEDH, rag gans an ARLOEDH yma tregeredh, ha ganso yma daspren hel.

⁸Hag ev a dhaspren Ysrael dhiworth oll y gammweythresow.