Read Kernewek Salmow 136 Bible Online

Salmow 136 - Kernewek bible

Salmow 136

¹Grassiwgh dhe'n ARLOEDH, rag ev yw da, rag y dregeredh a dhur bys vykken.

²Grassiwgh dhe Dhuw an duwow, rag y dregeredh a dhur bys vykken.

³Grassiwgh dhe ARLOEDH an arlydhi, rag y dregeredh a dhur bys vykken;

⁴neb y honan a wra marthusyon meur, rag y dregeredh a dhur bys vykken;

⁵neb a wrug an nevow gans y gonvedhes, rag y dregeredh a dhur bys vykken;

⁶neb a ystynnas an nor a-ugh an dowrow, rag y dregeredh a dhur bys vykken;

⁷neb a wrug golowys meur, rag y dregeredh a dhur bys vykken;

⁸an howl dhe rewlya dydhweyth, rag y dregeredh a dhur bys vykken;

⁹an loer ha'n ster dhe rewlya nosweyth, rag y dregeredh a dhur bys vykken;

¹⁰neb a weskis Ejyp yn aga re gynsa-genys, rag y dregeredh a dhur bys vykken;

¹¹ha dri Ysrael yn-mes a'ga mysk, rag y dregeredh a dhur bys vykken;

¹²dre leuv grev ha dre vregh ystynnys, rag y dregeredh a dhur bys vykken;

¹³neb a rannas an Mor Rudh yn diw rann, rag y dregeredh a dhur bys vykken;

¹⁴ha gul dhe Ysrael tremena der y vysk, rag y dregeredh a dhur bys vykken;

¹⁵ha domhwel Faro ha'y lu y'n Mor Rudh, rag y dregeredh a dhur bys vykken;

¹⁶neb a hembronkas y bobel der an difeyth, rag y dregeredh a dhur bys vykken;

¹⁷neb a weskis myghternedh veur, rag y dregeredh a dhur bys vykken;

¹⁸ha ladha myghternedh vryntin, rag y dregeredh a dhur bys vykken;

¹⁹Sihon myghtern an Amorysi, rag y dregeredh a dhur bys vykken;

²⁰Og myghtern Bashan, rag y dregeredh a dhur bys vykken;

²¹hag ev a ros aga thir yn ertach, rag y dregeredh a dhur bys vykken;

²²yn ertach dhe Ysrael y was, rag y dregeredh a dhur bys vykken;

²³neb a borthas kov ahanan yn agan iselder, rag y dregeredh a dhur bys vykken;

²⁴ha'gan delivra dhiworth agan eskerens, rag y dregeredh a dhur bys vykken;

²⁵neb a re boes dhe bub kig, rag y dregeredh a dhur bys vykken.

²⁶Grassiwgh dhe Dhuw an nev, rag y dregeredh a dhur bys vykken.