Read Kernewek Salmow 137 Bible Online

Salmow 137 - Kernewek bible

Salmow 137

¹Ryb dowrow Babylon, ena yth esedhsyn hag oela pan berthsyn kov ahanas, A Sion.

²Agan telynnow a gregsyn war an helyk usi ynni.

³Rag ena an re a'gan kemmeras yn kethneth a wovynnas dhiworthyn kan, ha'gan tormentorys a wovynnas lowender: ‘Kenewgh dhyn ni onan a ganow Sion.’

⁴Fatell wren ni kana kan an ARLOEDH yn pow estren?

⁵Mara'th ankovav, A Yerusalem, re wetthro ow leuv dhyghow.

⁶Glenes ow thaves orth ow stevnik mar ny borthav kov ahanas, mar ny worrav Yerusalem a-ugh ow fenn-lowender.

⁷Porth kov, A ARLOEDH, a vebyon Edom yn dydh Yerusalem, fatell lavarsons, ‘Diswrewgh hi, diswrewgh hi dhe'n dor, bys dh'y selyow.’

⁸A Vyrgh Babylon, re bi ty ynwedh distruys, gwynn y vys neb a attal dhis kepar dell wrussys dhyn ni.

⁹Gwynn y vys neb a gemmerro dha fleghigow jy ha'ga deghesi erbynn an veyn.