Read Kernewek Salmow 14 Bible Online

Salmow 14 - Kernewek bible

Salmow 14

¹Dhe vester an keur. A Davydh. An den anfur re leveris yn y golonn, ‘Nyns eus Duw.’ Legrys yns i, hag i re wrug obereth kasadow, nyns eus denvyth a wrello dader.

²An ARLOEDH a viras war-woeles dhiworth nev war vebyon den, dhe weles mars esa neb den fur ow hwilas Duw.

³Pubonan re dreylyas a-denewen, legrys yns i war-barth; nyns eus denvyth a wrello dader, nyns eus nagonan.

⁴A ny gonvedh an dhrogoberoryon oll, hag i ow tybri ow fobel kepar dell dhebrons bara? Ny alwsons war Dhuw.

⁵Ena yth esens i yn own bras, rag yma Duw gans henedh an dus wiryon.

⁶Hwi a lest kusul an boghosek, mes an ARLOEDH yw y skovva.

⁷A teffa selwyans Ysrael yn-mes a Sion! Pan dreyl an ARLOEDH kethneth y bobel, Yakob a lowenha, ha heudhik vydh Ysrael.